Sonur þeirra hjóna er væntanlegur í heiminn á hverri stundu en fyrir eiga þau dótturina Emerson Avery, tveggja ára. Sögusagnir um að Emmy litla beri einkenni um dæmigerða einhverfu hefur flogið fjöllum hærra um töluverðan tíma en nýverið svöruðu hjónin nettröllum fullum hálsi.
Í viðtali við Entertainment Tonight greindi Tolbert frá því að hún bæri annað barn þeirra undir belti og væri því í miklu tilfinningalegu uppnámi sökum aukinnar hormónastarfsemi, því vildi hún svara þessum ásökunum fyrir fullt og allt. „Fólk er að blása upp hreina þvælu, eingöngu byggða á þeim forsendum að barnið sé ekki að tala á þeim myndskeiðum sem sjást af henni. Það hefur ekkert með einhverfu eða annars konar greiningu að gera. Öll börn eru dásamleg, nákvæmlega eins og þau eru. Að mínu mati er mikilvægt að gæta að orðunum sem notuð eru því þau særa og það að dæma saklaus börn sem eru sýnileg á opinberum vettvangi sýnir einstaka grimmd. Hvers vegna myndi einhver skilja eftir athugasemdir sem þessar á stöðum sem foreldrarnir geta lesið þær, þetta særir mig mjög sem móður.“
Undir þetta tekur eiginmaðurinn, Tolbert, „Það ætti enginn að skrifa neitt sem hann getur ekki sagt við manneskjuna í persónu. Það hefur alltaf verið mín regla í lífinu.“
