Fjölskylda bandaríska kvikmyndagerðarmannsins John Singleton hefur veitt læknum leyfi til að taka hann úr öndunarvél í dag. Þetta kemur fram í yfirlýsingu fjölskyldunnar en leikstjórinn, sem er 51 árs, fékk heila­blóðfall fyrr í þess­um mánuði.

„Þetta var hræðilega erfið ákvörðun, sem fjöl­skyld­an tók á nokkr­um dög­um, eft­ir að hafa fengið ráðgjöf frá lækn­um John,“ segir í yfirlýsingunni, en þar kemur einnig fram að Singleton fái góða meðhöndl­un á gjör­gæslu­deild­inni.

John Daniel Singleton hefur farið víðan völl sem handritshöfundur, framleiðandi og leikstjóri. Hann er þekkt­ur fyr­ir mynd­ir á borð við Boyz N the Hood, Poetic Justice, Higher Learning, Shaft, 2 Fast 2 Furi­ous og Four Brothers auk fjölda annarra.