Eins og mörgum er kunnugt var leikarinn Cole Sprouse staddur á Íslandi í vor. Ýmsir veltu fyrir sér tilgang ferðarinnar en nú hefur hann gefið út myndband á vegum lífsstílsfyrirtækisins Moncler.
Auk þess að vera leikari er Sprouse ljósmyndari en hann er eflaust þekktastur fyrir hlutverk sitt sem Cody Martin í þáttunum The Suite Life of Zack and Cody. Einnig fór hann með hlutverk Ben, sonar Ross, í Friends ásamt tvíburabróður sínum Dylan Sprouse og léku þeir jafnframt saman í hinni stórvinsælu gamanmynd, Big Daddy með Adam Sandler.
Á Instagram-síðu sinni birti hann færslu þar sem hann þakkaði Moncler sérstaklega fyrir stórfenglega ferð til Íslands. Myndbandið Captured in Iceland má sjá fyrir neðan færsluna.
