Telma Huld Jóhannesdóttir, aðalleikkona myndarinnar Eden, er viðmælandi nýjasta þáttar Bíóhornsins en Eden verður frumsýnd föstudaginn 10. maí.

Eden er villt blanda af spennu og kómík en hún segir frá parinu Lóu og Óliver sem framfleytir sér með fíkniefnasölu en þráir ekkert heitar en að elta drauma sína. Þegar þau lenda upp á kant við undirheimaöflin ákveða þau að taka málin í sínar hendur og hefst þá barátta upp á líf og dauða.

Til að setja sig inn í þennan heim segist Telma hafa farið í nokkur vafasöm partý og verið lengur í þeim en hún hefði ellegar verið.

Hún segir sögurnar í myndinni langflestar byggðar á raunverulegum atburðum og dregið sé úr alvarleika frekar en hitt.

Hægt er að horfa á viðtalið við Telmu hér að neðan.