Kylie Jenner og kærasti hennar, Travis Scott, keyptu nýlega hús saman í Beverly Hills, en sögusagnir gengu um netið að parið væri hætt saman, þar sem þau byggju ekki saman.
Munu þau hafa skipt kaupverðinu til helminga, en eignin kostaði 18,7 milljónir dollara. Húsið er í hinu flotta 90210 hverfi í Los Angeles og er 900 fermetrar að stærð.
Í húsinu eru sjö svefnherbergi, 10 baðherbergi og nýlega endurgerðar stofur, sem opnast út á stóra garðverönd.
Í hjónaherberginu eru svalir, fataherbergi og eigin stofa, skrifstofa og geymsla.
Eigninni fylgir einnig gestahús, þar sem allt er til alls, eldhús, stofa, svefnherbergi og baðherbergi. Það ætti því að vera nægt rými fyrir stórfjölskylduna til að gista.
Eigninni fylgir einnig þrefaldur bílskúr,bókasafn, vínkjallari og heimabíó.
