Meðal gesta í Silfri Egils í dag eru Bandaríkjamaðurinn William K. Black og Ann Pettifor sem er frá Suður-Afríku hefur lengi verið búsett í Bretlandi.
Black er háskólaprófessor sem áður var háttsettur í fjármálaeftirliti. Hann hefur fjallað mikið um fjársvik og hlut þeirra í efnahagshruninu, mun flytja fyrirlestur um þetta efni í Háskólanum klukkan 12 á morgun. Fyrirlesturinn heitir Black er höfundur bókar sem nefnist The Best Way to Rob a Bank is from the Inside.
Ann Pettifor er forstjóri samtaka sem nefnast Advocacy International. Hún var aðalhvatamaður átaks sem hét Jubilee 2000 – þar var barist fyrir því að skuldir fátækustu ríkja heims yrðu felldar niður. Pettifor spáði því að efnahagskerfi heimsins stefndi í hrun vegna skulda þegar árið 2003, en 2006 gaf hún út bókina The Coming First World Debt Crises.
Af öðrum gestum í þættinum má nefna Ólaf Arnarson, Margréti Tryggvadóttur og Pál Vilhjálmsson.
