fbpx
Fimmtudagur 01.desember 2022
Eyjan

Sóðabæli

Egill Helgason
Laugardaginn 5. apríl 2008 21:51

Ekki missa af Helstu tíðindum dagsins í pósthólfið þitt

Lesa nánar

Reykjavík er ótrúleg sóðaborg.

Maður veit ekki hvað þarf að gera til að breyta þessu.

Borgin er nú orðið sóðalegri en flestallar borgir sem ég þekki í Evrópu. Maður sér draslið vel þegar vorar aðeins.

Kannski þarf aftur að fara í átak eins og „hrein torg – fögur borg“ hér um árið.

Það skilaði miklum árangri á sínum tíma.

Sinnuleysið er á furðu mörgum sviðum. Stundum finnst manni eins og borgin fylgist ekki með.

Snemma í vetur hengdu einhverjir brandarakallar einhvers konar jólaskraut utan um hálsinn á styttunni af séra Friðriki sem stendur fyrir neðan Bernhöftstorfuna. Og líka um hálsinn drengnum sem er með æskulýðsfrömuðinum og trúarleiðtoganum á styttunni.

Ég athugaði áðan. Það er ábyggilega að verða hálft ár – en draslið hefur ekki verið fjarlægt enn.

Ég ætla ekki að kvarta mikið undan „skemmtigarðinum“ sem er hérna við hliðina á húsinu hjá mér – við svokallaðan Einarsbrunn.

En hann er hreinn viðbjóður. Það virðist enginn hirða um svona svæði. Krakkarnir í MR mega ekki lengur reykja á skólalóðinni svo þeir koma þarna yfir götuna til að fá sér sígarettu.

Og sumir kennararnir líka.

Ég hef reyndar velt því fyrir mér að bjóðast til að taka skemmtigarðinn í fóstur. Ég myndi byrja á að láta fjarlægja sandkassann sem kettirnir hafa ekki einu sinni lyst á að pissa í.

Á endanum myndi ég líklega innlima hann í garðinn hjá mér. Ég er ekki með sérlega græna fingur en þetta getur ekki versnað.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Dómsmálaráðherra ætlar að bæta búnað fangavarða

Dómsmálaráðherra ætlar að bæta búnað fangavarða
Eyjan
Fyrir 5 dögum

Dómsmálaráðherra Trump er skýr í máli – „Hann ætlar að eyðileggja Repúblikanaflokkinn ef hann fær ekki vilja sínum framgengt“

Dómsmálaráðherra Trump er skýr í máli – „Hann ætlar að eyðileggja Repúblikanaflokkinn ef hann fær ekki vilja sínum framgengt“
Eyjan
Fyrir 6 dögum

Minni stuðningur við ESB-aðild innan Samfylkingarinnar

Minni stuðningur við ESB-aðild innan Samfylkingarinnar
Eyjan
Fyrir 6 dögum

Enn einn ósigur Trump – Hún er þyrnir í augum hans en hafði betur

Enn einn ósigur Trump – Hún er þyrnir í augum hans en hafði betur
Eyjan
Fyrir 1 viku

Aðgerðarleysi í orkumálum reynist okkur dýrkeypt

Aðgerðarleysi í orkumálum reynist okkur dýrkeypt
Eyjan
Fyrir 1 viku

Áfall fyrir Trump – Hæstiréttur heimilar afhendingu skattskýrslna hans

Áfall fyrir Trump – Hæstiréttur heimilar afhendingu skattskýrslna hans