Hildur Lilliendahl Viggósdóttir, verkefnisstjóri hjá Reykjavíkurborg, birti nýlega myndir af fyrrverandi ráðherrum sem gagnrýndu þriðja orkupakkann og spurði: Ríða, drepa, giftast?
Vissulega er þetta einsleitur hópur stjórnmálamanna, aldnir karlmenn og íhaldssamir, og margir hafa hent grín að því. Þetta grín Hildar er hins vegar svo ósmekklegt að verstu strigakjaftar hefðu veigrað sér við því að fleygja slíku fram opinberlega.
Vel má snúa þessu við í tilbúnu dæmi. Að ungar konur hefðu birt saman yfirlýsingu og eldri maður, í sama starfi og Hildur, hefði spurt: Ríða, drepa, giftast?
Væri honum vært í starfi eftir það? Hvernig hefði Hildur brugðist við?
