Orðið á götunni er „auli“ en Sveinn Andri Sveinsson lögmaður segir að Skúli Sigfússon sem oftast er kenndur við Subway hafi  verið ósáttur við nærveru hans á Austurvelli. Á Viljanum segir að Sveinn Andri og Skúli hafi tekist nokkuð á undanfarna mánuði. Þannig vann Sveinn Andri riftunarmál gegn Skúla sem hefur kært Svein Andra til Héraðssaksóknara. Þeir hafi svo fyrir tilviljun hist á Austurvelli. Sveinn Andri tjáir sig einnig á Facebook en þar segir hann:

„Þar sem ég gekk illa klæddur í kuldahrolli á nöprum vetrardegi eftir Aðalstræti, mætti ég manni í hlaupagalla, en maðurinn sá er oft er kenndur samlokustaði sem hann rekur. Hreytti hann út úr sér yfir götuna: „Auli!““ Sveinn Andri bætti við:

„Rann þá sem snöggvast upp fyrir mér uppruni og merking orðsins „aulahrollur“.“

Orðið á götunni er að ekki sé svo kært með þeim Skúla og Sveini Andra og er þá vægt til orða tekið.