Orðið á götunni er að Björgólfur Thor Björgólfsson, fyrrum eigandi Landsbankans, muni taka yfir flugfélagið WOW fyrr en síðar á þessu ári. Björgúlfur er sagður hafa ábyrgst 10 milljarða króna lán til Skúla Mogensen, en flugfélag hans er sagt standa á brauðfótum vegna fjárfestinga undanfarið, bæði á nýjum flugvélum sem og uppbyggingu hótels á Kársnesi í Kópavogi. Þá hefur gengið treglega að semja við flugfreyjur- og þjóna, sem neituðu að samþykkja kjarasamning í atkvæðagreiðslu. Háflug WOW undanfarið gæti því skilað sér í harkalegri magalendingu.
