Þetta er gert til að reyna að bjarga borginni. CNN skýrir frá þessu og hefur eftir Sharon Thompson, varaformanni borgarstjórnar, að borgarstjórnin standi frammi fyrir sannkölluðu óveðri.
Hún fór ekki leynt með að borgin stendur frammi fyrir „langvarandi vandamálum, þar á meðal sögulegum áhyggjum borgarstjórnar af jöfnum launum“.
Hún bað borgarbúa afsökunar á að borgarsjóður sé kominn í þessa stöðu og biðlar til ríkisstjórnarinnar um aðstoð við að leysa málið. Um leið segir hún ríkisstjórnina eiga að hlut að máli hvað varðar slæma fjárhagsstöðu borgarinnar.
CNN segir að vendipunkturinn í fjármálum borgarinnar hafi verið krafa um 5.000 borgarstarfsmanna, kvenna, sem hafa ekki fengið jafnháa bónusa og karlkyns vinnufélagar þeirra árum saman. Krefjast konurnar leiðréttingar á þessu og nemur heildarkrafan sem svarar til um 120 milljarða íslenskra króna. Auk kröfunnar þá bætast við útgjöld næstu árin vegna bónusgreiðslna til kvenna.