Þetta er Nígería sem átt er við. Eftir 30 ár verða Nígeríubúar orðnir fleiri en Bandaríkjamenn en nú eru landsmenn um 200 milljónir. Miðað við spár Sameinuðu þjóðanna þá verður Nígería næstfjölmennasta ríki heims um næstu aldamót. Aðeins Indverjar verða fleiri. Reiknað er með að Kínverjum muni fækka um tæplega helming á þessari öld.
Þær fréttir sem Vesturlandabúar hafa heyrt frá Nígeríu á síðustu árum eru kannski aðallega tengdar hryðjuverkasamtökunum Boko Haram sem hafa herjað á norðausturhluta landsins.
Einn þeirra sem þekkir Nígeríu vel er Niels Kastfelt, lektor emeritus við Afríkudeild Kaupmannahafnarháskóla, í samtali við B.T. sagði hann að landið sé stórt og flókið og landsmönnum fjölgi mjög hratt. „Nígería getur orðið stórveldi en það landið getur líka orðið púðurtunna,“ sagði hann.
Kastfelt sagði að skýringuna á púðurtunnuhlutanum megi finna í norðausturhluta landsins, þar sem Boko Harem hefur herjað, því þar séu flestir íbúanna múslímar. Svæðið standi einnig suðurhluta landsins að baki hvað varðar efnahag og samfélagslega þróun. Miðstöð efnahagsins í landinu sé í suðvesturhlutanum, í Lagos.
Hann sagði að spurningin sé hvort stjórnvöldum takist að halda landinu saman. Þau eigi fullt í fangi með það nú og sé landið nánast klofið í tvennt. Til dæmis sé beinlínis hættulegt að ferðast um norðurhluta landsins.
„Staða öryggismála er slæma víða í landinu og Boko Harem er gott dæmi um að ríkisstjórnin hefur ekki stjórn á landinu. Á sama tíma getur orðið mikil framþróun nærri Lagos í suðvesturhlutanum. Það getur haf mikil áhrif fyrir alla Afríku og kannski allan heiminn,“ sagði hann.
Hann sagði að enginn vafi leiki á að Nígería geti orðið stórveldi með sína 800 milljónir landsmanna. Möguleikarnir séu miklir. Menntunarstigið sé frekar hátt, margir frumkvöðlar séu í landinu og miklar náttúruauðlindir.
Ef Nígería verði ekki stórveldi geti það haft mikil vandræði í för með sér, ekki aðeins í Afríku, heldur einnig í Evrópu. Ástæðan er að þá gæti fólksflótti brostið á og það mikill. Ef unga fólkið sér engin tækifæri heima muni það yfirgefa landið. Til að koma í veg fyrir það verði að búa til velferð og tækifæri fyrir landsmenn.
