„Þeir dirfast að ýta áróðri að börnunum okkar. Þetta eru Bandaríkin. Okkur er ekki ætlað að gera þetta. Fullorðnir vita hvað þrælahald fól í sér. Það voru nauðganir. Það voru pyntingar. Börn voru tekin frá mæðrum sínum. Það fól í sér sum af verstu dæmunum um að fólk var svipt mennskunni. Hvernig stendur á því að einhver geti látið í það skína að í þessum hryllingi hafi falist ávinningur fyrir þá sem voru sviptir mannlegum eiginleikum,“ sagði hún.
Hún nefndi Ron DeSantis, ríkisstjóra í Flórída og einn þeirra sem sækist eftir að verða forsetaframbjóðandi Repúblikanaflokksins, ekki á nafn en vísaði til hans sem „öfgasinna, svokallaður leiðtogi“.
DeSantis sem hefur tekist á við Disney fyrirtækið undanfarna mánuði vegna gagnrýni fyrirtækisins á lög í Flórída sem banna umræðu um kynferði og kyn í skólum, sagði að nýja námsskráin væri nauðsynleg til að koma í veg fyrir frjálslynda innrætingu og sakaði Harris um tilraun til „múgæsingar“ og til að blanda pólitík í söguna.
Hann sagðist ekki hafa komið að ákvörðun fræðsluyfirvalda en varði ákvörðun hennar um að kenna börnum að sumir þrælar hefðu haft ávinning af því að vera í þrældómi. „Það voru fræðimenn sem komu að þessu. Pólitík kom hvergi nálægt þessu,“ sagði hann.