Eins og kunnugt er lét Bjarni Benediktsson af embætti fjármálaráðherra um síðustu helgi og tók við embætti utanríkisráðherra þess í stað. Í tilkynningu frá utanríkisráðuneytinu kemur fram hvert fyrsta verk Bjarna í embætti utanríkisráðherra en hann innti það af hendi í gær.
Fyrsta verkið var símafundur með Dmytro Kuleba utanríkisráðherra Úkraínu.
Í tilkynningu ráðuneytisins kemur fram að á símafundinum hafi góð tvíhliða samskipti Íslands og Úkraínu og mikilvægi þess að halda þeim áfram verið leiðarstef.
Í tilkynningunni segir enn fremur að með símtalinu hafi Bjarni ítrekað stuðning Íslands við Úkraínu vegna árásarstríðs Rússlands í landinu. Hafi Bjarni einnig notað tækifærið til að lýsa yfir stuðningi við inngöngu Úkraínu í Atlantshafsbandalagið. Þá hafi ráðherrarnir rætt um nýtt færanlegt neyðarsjúkrahús sem kostað er af íslenskum stjórnvöldum og hannað og framleitt í Eistlandi en til standi að afhenda sjúkrahúsið í nóvember.
Í lok samtalsins hafi utanríkisráðherra Úkraínu kærlega fyrir þann mikla stuðning sem íslensk stjórnvöld hafi sýnt Úkraínu í verki undanfarin misseri og Bjarni hafi komið því skýrt á framfæri að þeim stuðningi yrði framhaldið af honum í krafti embættis utanríkisráðherra.
Thank you @DmytroKuleba. Rest assured Iceland continues to stand in full solidarity with Ukraine against Russia’s illegal invasion & firmly supports Ukraine’s aspirations to join NATO as Euro-Atlantic security is best served with Ukraine as a NATO Ally. #SlavaUkraïni https://t.co/NBhMV22gIm pic.twitter.com/w6ep0ZpC58
— Bjarni Benediktsson (@Bjarni_Ben) October 18, 2023
