Hvað á 55 ára gamall maður sem ekkert hefur velt fyrir sér starfslokum eða lífeyrismálum að gera. Er kannski of seint að grípa til einhverra ráðstafana til að tryggja áhyggjulaust ævikvöld? Björn Berg Gunnarsson er viðmælandi Ólafs Arnarsonar í hlaðvarpi Markaðarins og ræðir m.a. um lífeyrismál.

Markaðurinn - Björn Berg - Sparnaður

„Nei, það er aldrei of seint. Því yngri sem menn eru því meira er hægt að gera. En 55 ára gamall maður getur gert ráðstafanir,“ segir Björn.

Best er að byrja á taka yfirlit yfir stöðuna. Ná utan um fjármálin. Fólk verður að skilja sín lífeyrisréttindi.

Fólk lækkar yfirleitt í launum við starfslok og jafnvel þegar líður á starfsævina ef það dregur úr vinnu eða skiptir um vinnu til að gera eitthvað sem það hefur meiri áhuga á og ánægju af.

„Loka svo augunum og ímynda sér hvað það vill. Hvað vil ég gera þegar ég verð sextugur? Kannski veit fólk það ekki en það breytir ekki því að fólk sér aldrei eftir því að hafa hagað hlutunum þannig að það hafi meiri peninga milli handanna.

Svo má velta fyrir sér hvað fólk vill gera. Vill það draga úr vinnu eða skipta um vinnu til að gera eitthvað sem hugurinn stendur til. Vill fólk byrja snemma að taka út lífeyri, jafnvel á móti vinnu

Það er allt hægt en bara misjafnt hvað það kostar mikið,“ segir Bjö-rn Berg Gunnarsson.