| Svandís Svavarsdóttir matvælaráðherra mun í dag setja nýja reglugerð sem ætlað er að bæta umgjörð veiða á langreyðum. Með reglugerðinni er brugðist við niðurstöðum eftirlitsskýrslu Matvælastofnunar um veiðar á langreyðum árið 2022, áliti fagráðs um velferð dýra og skýrslu starfshóps um mat á leiðum til að fækka frávikum við veiðarnar.
Hvalveiðivertíðin hefst á morgun og verður eftirlit hert, auk þess sem hertar reglur varða í gildi varðanda veiðarnar. Um hádegisbil sendu Píratar frá sér tilkynningu um að þeir muni leggja fram frumvarp um bann við hvalveiðum um leið og þing kemur saman að nýju, en þingið kemur saman 12. september næstkomandi. Í tilkynningunni segir að ótækt sé að hvalveiðar fari eftir geðþóttaákvörðun einstakra ráðherra eða stefnulausrar ríkisstjórnar. Aðkoma þingsins sé nauðsynleg í þessu mikilvæga máli. Píratar kalla eftir því að málið fái vandaða þinglega meðferð og að þingið taki afstöðu með umhverfinu, loftslaginu, dýravelferð og framtíðinni. Fréttin hefur verið uppfærð. |
