fbpx
Fimmtudagur 18.ágúst 2022
Eyjan

NATO vill uppbyggingu á Langanesi

Kristján Kristjánsson
Föstudaginn 29. júlí 2022 09:00

Fáni NATO. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Atlantshafsbandalagið, NATO, hefur farið fram á heimild til að reisa viðlegukant á Langanesi og hefur Landhelgisgæslan hug á að nýta þá aðstöðu ef af verður.

Fréttablaðið skýrir frá þessu og segir að utanríkisráðuneytið hafi óskað eftir að langur viðlegukantur verði reistur norðan megin í Finnafirði í Langanesbyggð. Hann er ætlaður fyrir NATO. Yrði kanturinn við bæinn Gunnólfsvík.

Tilgangurinn með auknum umsvifum er að hægt verði að birgja skip frá NATO upp þarna og hvíla áhafnir. Til greina kemur að aðstaða verði fyrir birgðaskip frá NATO. Einnig hefur verið rætt um að Landhelgisgæslan fái aðstöðu.

Fréttablaðið segist hafa heimildir fyrir að engin skrifleg gögn séu til um þessar þreifingar en sveitarstjórn Langanesbyggðar hafi borist óformlegt erindi vegna málsins. Björn S. Lárusson, nýráðinn sveitarstjóri Langanesbyggðar, sagðist ekki geta tjáð sig um málið og engin svör fengust frá utanríkisráðuneytinu við fyrirspurnum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt