fbpx
Mánudagur 15.ágúst 2022
Eyjan

Treystir ekki Bandaríkjunum fyrir að vernda Ísland gegn innrás frá Rússlandi eða Kína

Máni Snær Þorláksson
Miðvikudaginn 13. júlí 2022 19:00

Ole Anton Bieltvedt. Skjáskot/Hringbraut

Ekki missa af Helstu tíðindum dagsins í pósthólfið þitt

Lesa nánar

Ole Anton Bieltvedt, formaður Jarðvina, félagasamtaka um dýra-, náttúru- og umhverfisvernd, segir að stríð Rússlands í Úkraínu hafi vakið upp spurningar um varnir og öryggi fleiri landa í Evrópu, þar á meðal Íslands.

Þrátt fyrir að ýmsir séu á því að Bandaríkin tryggi íbúum hins vestræna heims og þar með Íslendingum öryggi og frelsi þá er Ole Anton ekki á því. „Fáfræði og skilningsleysi þessa fólks er fyrir mér á háu og hættulegu stigi,“ segir Ole Anton í pistli sem birtur var á Vísi í morgun um þá sem treysta á Bandaríkin.

„Fáfræði og skilningsleysi eru erfið viðureignar. Þar fer eins um staðreyndir og röksemdir, eins og vatnið, sem skvett er á gæs. Á Alþingi og víðar í þjóðfélaginu, í háum og valdamiklum stöðum, situr fólk, sem er sannfært um, að BNA veiti okkur framtíðaröryggi á öllum sviðum. En það stenzt ekki.“

Ástæðan fyrir því að Ole Anton treystir ekki Bandaríkjunum fyrir að vernda Ísland er þróunin sem átt hefur sér stað á undanförnum árum. „Þar takast á tvær andstæðar fylkingar, annars vegar mikillar íhaldssemi og heimóttarskapar, þar sem þröngsýni, þekkingarleysi og sjálfsdýrkun ráða för, og, hins vegar, frjálslyndrar, mannúðlegrar og ábyrgrar alþjóðahyggju, þar sem þekking, víðsýni og tillitssemi við aðra sitja í fyrirrúmi,“ segir hann.

„Þessi klofningur kemur til að mynda fram í afstöðu til réttar einstaklinga, frá 18 ára aldri, til vopnaburðar, til réttar kvenna til fóstureyðingar, til afstöðu þeirra, sem minnst mega sín í þjóðfélaginu og réttar þeirra til réttlætis og velferðar svo og til afstöðunnar til alþjóðasamvinnu.“

Þá bendir Ole Anton á að Donald Trump var forseti Bandaríkjanna og að þrátt fyrir að hann og hans flokkur fari ekki með völdin núna þá geti það komið fyrir á ný. „Sem stendur ræður fylkingin, sem við getum treyst, í BNA. En hversu lengi verður það? Aftur verður kosið 2024. Hverjum veita Bandaríkamenn þá völdin? Donald Trump, eða einhverjum hans líka?“ segir hann.

„Við getum ekki treyst á BNA“

Ole Anton segir þá í pistlinum að ef Rússar eða Kínverjar myndu vilja hertaka Ísland til að tryggja tökin á norðurslóðum þá sé ekki víst hvað Trump eða annar slíkur maður myndi gera. „Við getum ekki treyst á BNA með varnir, frelsi og öryggi Evrópu. Heldur ekki á Tyrki, sem búa yfir öðrum fjölmennasta her NATO-ríkjanna,“ segir hann.

Undir lok pistilsins kemur Ole Anton sér að kjarnanum, það er að Ísland eigi að ganga í Evrópusambandið. „ESB býr yfir gífurlegum efnahagsstyrk, sem nú verður að færa yfir í varnar- og hernaðarstyrk, í framtíðinni verður hvorttveggja að koma til, og verður Ísland að gerast fullur þátttakandi í þessu samstarfi evrópskra systra- og bræðraþjóða okkar,“ segir hann.

„Við fengjum þá líka loks setu við borðið, fengjum okkar eiginn kommissar, gætum látið til okkar taka og rödd okkar heyrast í samfélagi evrópskra þjóða, þar sem litlu þjóðirnar hafa líka sterka rödd og afgerandi völd; neitunarvald í öllum stærri málum.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Fyrrverandi borgarstjóri varar sterklega við borgarlínu – „Gott dæmi um óráðsíu borg­ar­stjórn­ar­meiri­hlut­ans í fjár­mála­stjórn“

Fyrrverandi borgarstjóri varar sterklega við borgarlínu – „Gott dæmi um óráðsíu borg­ar­stjórn­ar­meiri­hlut­ans í fjár­mála­stjórn“
Eyjan
Fyrir 5 dögum

Bjarni segir að hægt sé að ná kjarasamningum og vill enn selja hlut ríkisins í viðskiptabönkunum

Bjarni segir að hægt sé að ná kjarasamningum og vill enn selja hlut ríkisins í viðskiptabönkunum
Eyjan
Fyrir 6 dögum

Þriðjungur heimila glímir við erfiðan fjárhag – Eiga ekki afgang

Þriðjungur heimila glímir við erfiðan fjárhag – Eiga ekki afgang
Eyjan
Fyrir 6 dögum

Húsleit á heimil Donald Trump – „Árás af þessu tagi á sér aðeins stað í eyðilögðum þriðja heims ríkjum“

Húsleit á heimil Donald Trump – „Árás af þessu tagi á sér aðeins stað í eyðilögðum þriðja heims ríkjum“
Eyjan
Fyrir 1 viku

„Mér var hafnað og ég upplifði útskúfun“

„Mér var hafnað og ég upplifði útskúfun“
EyjanFastir pennar
Fyrir 1 viku

Offramboðið af löggum og sjálfboðaliðum á Ólympíumótinu – „Can I hold it for you?”

Offramboðið af löggum og sjálfboðaliðum á Ólympíumótinu – „Can I hold it for you?”
Eyjan
Fyrir 1 viku

Keyptu sér bara einu sinni samlokur frá Lemon og lofa að gera það ekki aftur

Keyptu sér bara einu sinni samlokur frá Lemon og lofa að gera það ekki aftur
Eyjan
Fyrir 1 viku

Bandaríkjaþing samþykkti aðild Finna og Svía að NATO

Bandaríkjaþing samþykkti aðild Finna og Svía að NATO