Viaplay mun sýna meira en 180 Sky Bet Championship-leiki í beinni á ári hverju á öllum Norðurlöndunum og í Eystrasaltsríkjunum, Póllandi og Hollandi. Allar umferðir Carabao Cup verða sýndar í beinu streymi á Viaplay. Viaplay mun sýna ensku úrvalsdeildina í níu löndum frá og með ágúst 2022.

Viaplay verður eina streymisveitan með sýningarréttinn á Sky Bet Championship-deildinni og Carabao Cup á öllum Norðurlöndunum og Eystrasaltsríkjunum, Póllandi og Hollandi frá 2022. Á hverju einasta tímabili verða meira en 180 leikir í beinni útsendingu frá hinni gífurlega vinsælu 1. deild Englands, þar á meðal undanúrslit og úrslit umspilsins um laust sæti í ensku úrvalsdeildinni.

The Sky Bet Championship-deildin er fjórða vinsælasta deild Evrópu, yfir 20 milljónir aðdáenda mæta á leiki liðanna á hverju tímabili. Síðastliðin ár hafa þekkt félög á borð við Aston Villa, Derby County, Fulham, Newcastle United, Nottingham Forest og West Bromwich Albion spilað í deildinni. Á hverju tímabili fara tvö efstu liðin upp í ensku úrvalsdeildina, þriðja liðið fer í gegnum umspilið þar sem leikmenn verða ýmist hetjur eða skúrkar.

Carabao Cup (Enski deildabikarinn) sem nú er í höndum Liverpool, er opinn 92 bestu liðum Englands og eru leiknar 7 umferðir. Sigurvegarinn hlýtur sæti í nýju Sambandsdeild Evrópu á næstu leiktíð.

„Fótboltaunnendur vita að það jafnast fátt á við enska knattspyrnu þar sem koma saman miklir hæfileikar, gríðarleg ástríða, magnaðar hefðir og óútreiknanleg úrslit. Við erum nú þegar að sýna frá fjölbreyttu íþróttaefni, en erum hástánægð með þessa viðbót, að fá bæði enska deildabikarinn og ensku Championship-deildina inn á heimili íþróttanna hér á Viaplay,“ segir Hjörvar Hafliðason íþróttastjóri Viaplay á Íslandi.