Í gærkvöldið fór fram aðalfundur Isavia, rekstrarfélag flugvalla á Íslandi, og var hann haldin í Reykjanesbæ. Kristján Þór Júlíusson, fyrrum þing­ismaður sjálf­stæðis­flokks­ins í Norðaust­ur­kjör­dæmi og ráðherra, var kjörinn stjórnarformaður fyrirtækisins en auk hans í aðalstjórn voru kosin þau Hólm­fríður Árna­dótt­ir, Jón Stein­dór Valdi­mars­son, Matth­ías Páll Ims­land og Nanna Mar­grét Gunn­laugs­dótt­ir.

Einnig var kosið í varastjórn félagsins en þar vekur mesta athygli nafn Ingveldar Sæmundsdóttur, aðstoðarmanns Sigurðar Inga Jóhannssonar, innviðaráðherra. Ingveldur hefur verið sökuð um að ljúga að fjölmiðlum, nánar tiltekið DV, þegar hún fullyrti að fréttir um að Sigurður Ingi hefði viðhaft rasísk ummæli á gleðskap í tengslum við Búnaðarþing væru algjört bull.

Daginn eftir baðst ráðherrann svo afsökunar á orðum sínum og kom þá í ljós að Ingveldur var ekki á staðnum þegar ummælin voru látin falla.

„Í svari mínu til DV í gær var ég segja frá því sem ég heyrði og varð vitni að og var það ekki borið undir ráðherra,“ segir í skriflegu svari Ingveldar þegar fréttastofa óskaði eftir skýringum á ummælum hennar,“ sagði Ingveldur í skriflegu svari til RÚV í kjölfarið.

Auk Ingveldar voru Dóra Sif Tynes, Sigrún Trausta­dótt­ir, Tóm­as Ell­ert Tóm­as­son og Valdi­mar Hall­dórs­son kos­in í vara­stjórn Ia­via.

Þá var árs­skýrsla Isa­via var gef­in út á fund­in­um og eru þar að finna helstu upp­lýs­ing­ar um rekst­ur Isa­via á ár­inu 2021.