fbpx
Fimmtudagur 08.desember 2022
Eyjan

Trump boðar stórtíðindi í næstu viku

Kristján Kristjánsson
Þriðjudaginn 8. nóvember 2022 07:00

Trump beið þrjá ósigra á einum sólarhring. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Donald Trump, fyrrum Bandaríkjaforseti, kom fram á kosningafundi í Ohio í gær til að styðja frambjóðendur Repúblikanaflokksins í ríkinu til þingkosninganna sem fara fram í dag. Á fundinum boðaði hann stórtíðindi í næstu viku.

„Ég mun koma með mjög stórar fréttir þriðjudaginn 15. nóvember  í Mar-a-Lago í Palm Beach í Flórída,“ sagði Trump á fundinum.

Hann fór ekki nánar út í hvaða tíðindi þetta eru en margir telja að þá muni hann tilkynna um framboð sitt til forseta en kosið verður um forsetaembættið haustið 2024.

BBC segir að orðrómur hafi verið uppi um að Trump myndi tilkynna framboð sitt á fundinum í gær og það vissi Trump vel því hann sagði: „Sjáið þá, þeir eru að bíða eftir einhverju,“ og benti á fréttamenn sem voru á fundinum.

Hann hefur vikum saman gefið til kynna að hann muni bjóða sig fram en kosningarnar í dag eru svo mikilvægar að hann hefur líklega ekki viljað skyggja á þær með því að tilkynna um framboð sitt.

CNN hefur eftir heimildarmönnum í herbúðum Trump að ráðgjafar hans telji þriðju vikuna í nóvember kjörna til að tilkynna um forsetaframboð. Margir af helstu ráðgjöfum hans hafa ráðlagt honum að tilkynna um framboð sitt í einhverju af þeim ríkjum þar sem hann tapaði naumlega fyrir Joe Biden í forsetakosningunum 2020.

Aðrir telja að hann eigi að vera í Flórída þegar hann tilkynnir um framboð sitt því þar nýtur hann gríðarlegra vinsælda meðal Repúblikana.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Enn einu sinni kom Trump Bandaríkjamönnum á óvart – Segja botninum náð hvað varðar heimsku

Enn einu sinni kom Trump Bandaríkjamönnum á óvart – Segja botninum náð hvað varðar heimsku
Eyjan
Fyrir 3 dögum

Vilhjálmur sorgmæddur og dapur eftir að vera „stunginn í bakið“

Vilhjálmur sorgmæddur og dapur eftir að vera „stunginn í bakið“
Eyjan
Fyrir 6 dögum

Mesta fylgi Samfylkingarinnar í áratug – Ríkisstjórnin héldi ekki velli

Mesta fylgi Samfylkingarinnar í áratug – Ríkisstjórnin héldi ekki velli
Eyjan
Fyrir 1 viku

Áfram deilt um umdeild áform um auglýsingaskilti við Klambratún – „Hættið þessari vitleysu“

Áfram deilt um umdeild áform um auglýsingaskilti við Klambratún – „Hættið þessari vitleysu“
Eyjan
Fyrir 1 viku

Loksins gerðist það – Áralöng barátta Trump er endanlega töpuð

Loksins gerðist það – Áralöng barátta Trump er endanlega töpuð
Eyjan
Fyrir 1 viku

Stjórnarliðar lögðust gegn því að veita tekjulágum eldri borgurum desemberuppbót – „Svona á velferðarþjóðfélag ekki að virka“

Stjórnarliðar lögðust gegn því að veita tekjulágum eldri borgurum desemberuppbót – „Svona á velferðarþjóðfélag ekki að virka“