fbpx
Föstudagur 02.desember 2022
Eyjan

Liz Cheney tapaði í forvali Repúblikana – Trump gleðst

Kristján Kristjánsson
Miðvikudaginn 17. ágúst 2022 08:00

Liz Cheney. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Eins og spáð hafði verið tapaði Liz Cheney í forvali Repúblikanaflokksins í Wyoming í gær. Það liggur því ljóst fyrir að þingsetu hennar lýkur í haust en hún hefur setið í fulltrúadeild Bandaríkjaþings síðan 2017.

Donald Trump, fyrrum forseti, hafði vonast til að Cheney myndi tapa en það hefur farið mjög illa í hann að hún hefur verið gagnrýnin á hann og embættisfærslur hans. Hún hefur einnig lýst því yfir að það sé rangt hjá Trump að rangt hafi verið haft við í forsetakosningunum 2020. Hann hafi einfaldlega tapað fyrir Joe Biden.

Þegar fyrstu tölur úr forvalinu birtust í nótt að íslenskum tíma var Cheney með 30,3% atkvæða en andstæðingur hennar Harriet Hageman, með 65,1%. Hageman er dygg stuðningskona Trump. CNN skýrir frá þessu.

Enginn vafi leikur á að Cheney er að gjalda fyrir andstöðu sína við Trump en hún hefur meðal annars sagt að það sé „sjúkt“ að halda því fram að svindlað hafi verið í kosningunum en Trump hefur ítrekað haldið því fram án þess að geta lagt fram nokkrar sannanir því til stuðnings. Einnig hafa dómstólar vísað öllum slíkum málatilbúnaði á bug.

Í kjölfar ummæla hennar og greinaskrifa um málið var henni vikið úr forystu flokksins í fulltrúadeildinni. „Ég mun gera allt sem í mínu valdi stendur til að tryggja að þessi fyrrum forseti muni aldrei nokkru sinni aftur koma nálægt forsetaskrifstofunni,“ sagði Cheney  í kjölfar brottrekstursins.

Því svaraði Trump með að segja: „Liz Cheney er bitur og hræðileg manneskja.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

Brynjar hjólar í Kristján í Sprengisandi – „Ég hef greinilega hitt á viðkvæma taug“

Brynjar hjólar í Kristján í Sprengisandi – „Ég hef greinilega hitt á viðkvæma taug“
Eyjan
Fyrir 2 dögum

Sigurður ráðinn framkvæmdastjóri Torfhús Retreat

Sigurður ráðinn framkvæmdastjóri Torfhús Retreat
Eyjan
Fyrir 3 dögum

Þórdís Kolbrún heimsækir Kænugarð – Segir að Úkraína muni vinna þrátt fyrir sprengjuregn Rússa og villimannslega grimmd þeirra

Þórdís Kolbrún heimsækir Kænugarð – Segir að Úkraína muni vinna þrátt fyrir sprengjuregn Rússa og villimannslega grimmd þeirra
Eyjan
Fyrir 3 dögum

Þröng fjárhagsstaða sveitarfélaga – Leita leiða til að hagræða í rekstri sínum

Þröng fjárhagsstaða sveitarfélaga – Leita leiða til að hagræða í rekstri sínum
Eyjan
Fyrir 6 dögum

Dómsmálaráðherra ætlar að bæta búnað fangavarða

Dómsmálaráðherra ætlar að bæta búnað fangavarða
Eyjan
Fyrir 6 dögum

Dómsmálaráðherra Trump er skýr í máli – „Hann ætlar að eyðileggja Repúblikanaflokkinn ef hann fær ekki vilja sínum framgengt“

Dómsmálaráðherra Trump er skýr í máli – „Hann ætlar að eyðileggja Repúblikanaflokkinn ef hann fær ekki vilja sínum framgengt“
Eyjan
Fyrir 1 viku

Ríkisendurskoðun hjólar í Bankasýsluna – „Skýrslan stendur því óhögguð“

Ríkisendurskoðun hjólar í Bankasýsluna – „Skýrslan stendur því óhögguð“
Eyjan
Fyrir 1 viku

Stefnir í „breiða“ ríkisstjórn í Danmörku

Stefnir í „breiða“ ríkisstjórn í Danmörku