fbpx
Fimmtudagur 18.ágúst 2022
Eyjan

Nýr stjórnarformaður Strætó vændur um að vera á móti almenningssamgöngum

Ágúst Borgþór Sverrisson
Þriðjudaginn 5. júlí 2022 17:00

Ekki missa af Helstu tíðindum dagsins í pósthólfið þitt

Lesa nánar

Sjálfstæðismaðurinn Magnús Örn Guðmundsson, bæjarstjórnarfulltrúi á Seltjarnarnesi, er nýkjörinn stjórnarformaður Strætó. Nokkrar umræður hafa spunnist um þetta á Twitter þar sem Magnús er vændur um að vera andsnúinn almenningssamgöngum.

Í þeim umræðum er vitnað í nýlega frétt RÚV þar sem spurt er hvort stjórnarmenn Strætó noti strætisvagna. Kemur þar fram að tveir af sex segjast nota strætisvagna reglulega. Magnús Örn Guðmundsson svaraði hins vegar ekki fyrirspurn RÚV um málið. Um þetta segir Felix Bergsson á Twitter: „Úff“.

Og íþróttafréttamaður RÚV, Einar Örn Jónsson, og Guðmundur Ari taka til máls:

Þess má geta að Magnús kaus gegn Borgarlínu í bæjarstjórn og var þar í hópi fárra sveitarstjórnarmanna. Í frambjóðendakynningu fyrir prófkjör Sjálfstæðisflokksins árið 2018 á Vísir.is kom fram að Magnús teldi brýnt að þrengja ekki að umferð einkabíla:

„Skipulags- og umferðarmál þurfi að hugsa með hagsmuni Seltirninga að leiðarljósi og gæta þarf fyllstu aðgátar við viðkvæm náttúrusvæði bæjarins. Tryggja þarf að ekki verði þrengt frekar að umferð einkabílsins, sem eru hinar raunverulegu almenningssamgöngur Seltirninga.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt