Þetta kemur fram í viðtali við hann í Fréttablaðinu í dag. Þorsteinn sagðist fagna því að Svandís Svavarsdóttir, matvælaráðherra, skipi nefndir um sjávarútveg, sífelldar deilur um umgjörð sjávarútvegsins séu skaðlegar fyrir greinina. Hann sagðist einnig undrast umræðu um að brjóta upp íslensk sjávarútvegsfyrirtæki, sem stunda veiðar á villtum fiski, á sama tíma og Norðmenn valsi um í laxeldi hér á landi.
Hvað varðar auðlindagjaldið sagði hann að sjávarútvegurinn sé mjög sveiflukennd atvinnugrein og veiðiheimildir hafi dregist saman. Auðlindagjaldið sé beintengt afkomu ársins á undan og það sé skynsamleg leið. Það hækki þegar vel gengur og það sé ákvörðun stjórnvalda hverju sinni hversu hátt það á að vera.
Hann benti einnig á að það kosti mikla peninga að fjárfesta í sjávarútvegi og nefndi að Samherji hafi fjárfest fyrir 25 milljarða í landvinnslu og skipum á síðustu fimm árum.
Hægt er að lesa viðtalið við Þorstein Má í heild sinni í Fréttablaðinu í dag.