fbpx
Föstudagur 15.október 2021
Eyjan

Ragnar segir íslenskt fyrirtæki hafa keypt hlutabréf á 20 þúsund krónur og selt á tæplega hálfan milljarð

Eyjan
Laugardaginn 18. september 2021 14:00

Ragnar Þór Ingólfsson, formaður VR

Ekki missa af Helstu tíðindum dagsins í pósthólfið þitt

Lesa nánar

Ragnar Þór Ingólfsson, formaður VR, birtir í dag grein á Kjarnanum þar sem hann sakar eigendur félaganna MB2015 ehf.  og Lindarvatns um sýndarviðskipti og vafasama fléttu. Hann greinir frá því að í efnahagsreikningi félagsins komi fram að það hafi árið 2015 keypt hlutabréf fyrir 20 þúsund krónur á árinu en selt þau fyrir 456 milljónir á sama ári.

Grein Ragnars er að hluta til viðbragð við grein Árna Helgasonar fyrir skömmu þar sem hann lýsir þeirri skoðun að reiðin hafi tekið völdin í samfélagsumræðunni og hófsamar raddir sem bendi á að þrátt fyrir ýmsa vankanta á samfélaginu sé staðan heild góð megi sín lítils: „Úr verður einhvers konar sérkennileg keppni um að tala nógu hátt inn í reiðina. Við sjáum ákveðin merki um þetta í kosningunum sem eru fram undan. Tilfinningin er stundum sú að við séum ekki að kjósa í landi sem teljist í fremstu röð í alþjóðasamanburði, heldur landi sem er nánast í rúst, “ segir Árni.

Í grein sinni segir Ragnar að Árni sé eigandi í MB2015 ehf. og telur Ragnar að félagið hafi fengi himinháar greiðslur fyrir ráðgjöf er varðar fjárfestingu Icelandair í félaginu Lindarvatn:

„Málið snýst um Icelandair, og uppbyggingu á Landssímareitnum, sem keypti hlut í Lindarvatni á tæpa tvo milljarða árið 2015. Icelandair er búið að afskrifa fjárfestinguna að mestu leyti en hefur á sama tíma veitt vel á annan milljarð í neyðarlán til að halda því gangandi. Hótelið átti að opna árið 2017 en framkvæmdir standa enn yfir og ekki liggur fyrir hvenær verklok verða,“ segir í grein Ragnars og hann spyr hvað hafi orðið um fjárfestingu Icelandair upp á 1,9 milljarðar í Lindarvatni.

Icelandair keypti 50% í Lindarvatni og hefur miðað við það metið verðmæti félagsins á 3,8 milljarða. Ragnar rekur málið í 18 liðum í grein sinni og telur að óeðlileg hagsmunatengsl hafi ráðið för í þessum viðskiptum.

Greinina má lesa hér

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 1 viku

Laugardalurinn fái að vera í friði fyrir smáhýsum meirihlutans

Laugardalurinn fái að vera í friði fyrir smáhýsum meirihlutans
Eyjan
Fyrir 1 viku

Gáttuð á framgangi borgarinnar í 10 milljarða stafrænni umbreytingu – „Er nema von að manni svelgist á morgunkaffinu?“ 

Gáttuð á framgangi borgarinnar í 10 milljarða stafrænni umbreytingu – „Er nema von að manni svelgist á morgunkaffinu?“ 
Eyjan
Fyrir 1 viku

Brynjar svartsýnn á áframhaldandi stjórnarsamstarf – „Ég sé það bara eiginlega ekki gerast“

Brynjar svartsýnn á áframhaldandi stjórnarsamstarf – „Ég sé það bara eiginlega ekki gerast“
Eyjan
Fyrir 1 viku

Gísli Marteinn telur laun þingmanna of há: „Klisjan um að við fáum svo frábært fólk með því að hækka launin er ekkert endilega rétt“

Gísli Marteinn telur laun þingmanna of há: „Klisjan um að við fáum svo frábært fólk með því að hækka launin er ekkert endilega rétt“