fbpx
Sunnudagur 13.júní 2021
Eyjan

Sveinn Andri gagnrýnir Arnar Þór dómara – „Skömm sé okkar tímum og okkar glötuðu grundvallarreglum“

Ágúst Borgþór Sverrisson
Laugardaginn 8. maí 2021 18:00

Sveinn Andri Sveinsson (t.v.) og Arnar Þór Jónsson

Ekki missa af Helstu tíðindum dagsins í pósthólfið þitt

Lesa nánar

Arnar Þór Jónsson héraðsdómari hefur vakið athygli fyrir tíðar skoðanagreinar sem birst hafa í Morgunblaðinu með jöfnu millibili. Meðal annars hefur hann þar verið gagnrýninn á þriðja orkupakkann.

Sumum þykir orka tvímælis að dómari tjái sig um þjóðfélagsmál og lýsi sterkum skoðunum. Meðal þeirra sem hafa gagnrýnt skrif Arnars er Sveinn Andri Sveinsson lögmaður.

Arnar hefur svarað þessari gagnrýni og sagt að dómari hafi bæði rétt og skyldu til að tjá skoðanir sínar. „Sem dómari hef ég unnið drengskaparheit að stjórnarskrá lýðveldisins. Á þeim grundvelli – og innan þess ramma – tel ég raunar að ég hafi ekki aðeins rétt, sem borgari þessa lands, til að tjá mig um sýn mína á stöðu mála, heldur beina skyldu,“ sagði Arnar í grein sem hann birti í Fréttablaðinu fyrir skömmu.

Fyrir skömmu sagði Arnar sig síðan úr Dómarafélagi Íslands vegna ágreinings um túlkun siðareglna dómara og tjáningarfrelsi dómara.

Í dag var síðan greint frá því í Morgunblaðinu að Arnar gefi kost á sér í prófkjöri Sjálfstæðisflokksins í Suðvesturkjördæmi.

Um þessi tíðindi tjáir Sveinn Andri sig á Facebook-síðu sinni og minnir að Gunnar Thoroddsen, fyrrverandi forsætisráðherra og meðal helstu lögspekinga á sínum tíma, hafi beðist lausnar frá embætti dómara er hann ákvað að gefa kost á sér í prófkjöri Sjálfstæðisflokksins. Sveinn Andri skrifar:

„Gunnar Thoroddsen var umdeildur stjórnmálamaður, en óumdeilanlega einhver færast lögspekingur Íslendinga á síðustu öld; hálfgert undrabarn sem varð prófessor í lögfræði aðeins þrítugur að aldri. Gunnar var skipaður dómari við Hæstarétt íslands í ársbyrjun 1970 en rétt rúmlega 8 mánuðum síðar baðst hann lausnar frá embætti þar sem hann hafði ákveðið að gefa kost á sér í prófkjöri Sjálfstæðisflokksins. Um þetta hafði Gunnar að segja:
„Ég tel að þátttaka í prófkjöri samrýmist ekki stöðu hæstaréttardómara og mun því segja af mér embætti áður en prófkjör hefst.“
Sá ágæti héraðsdómari Arnar Þór Jónsson hefur ákveðið að gefa kost á sér í prófkjöri Sjálfstæðisflokksins. Hann hefur gefið það út að „búist við að fara í leyfi á meðan á framboði stendur.“
Ég segi bara eins og Cicero forðum:
O tempora! O mores!
(Skömm sé okkar tímum og okkar glötuðu grundvallarreglum.)“

https://www.facebook.com/sveinnandri.sveinsson/posts/10215260193976690

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

FA segir að tækifæri til útvíkkaðrar fríverslunar með búvörur við Bretland hafi glatast

FA segir að tækifæri til útvíkkaðrar fríverslunar með búvörur við Bretland hafi glatast
Eyjan
Fyrir 5 dögum

Ungir sjálfstæðismenn skora á Brynjar að endurhugsa ákvörðun sína

Ungir sjálfstæðismenn skora á Brynjar að endurhugsa ákvörðun sína
Eyjan
Fyrir 6 dögum
Spáir olíuskorti
Eyjan
Fyrir 1 viku

Pabbi ekur um borgina með auglýsingu – „Ég ætla að slökkva á internetinu þar til prókjör XD er búið“

Pabbi ekur um borgina með auglýsingu – „Ég ætla að slökkva á internetinu þar til prókjör XD er búið“
Eyjan
Fyrir 1 viku

„Við sitjum þannig uppi með ríkisstjórn sem vill banna plastpoka en leyfa eiturlyf“

„Við sitjum þannig uppi með ríkisstjórn sem vill banna plastpoka en leyfa eiturlyf“