fbpx
Föstudagur 14.maí 2021
Eyjan

Auglýsingar Samherja á mbl.is vekja furðu – „Ábyrgðarleysi í Efstaleiti“

Bjarki Sigurðsson
Föstudaginn 30. apríl 2021 16:00

Ekki missa af Helstu tíðindum dagsins í pósthólfið þitt

Lesa nánar

Gagnrýni sjávarútvegsfyrirtækisins Samherja á starfsemi RÚV, og þá sérstaklega á Helga Seljan, blaðamann RÚV, hefur varla farið framhjá neinum. Hefur fyrirtækið meðal annars birt myndbönd á Youtube sem vakið hafa athygli, og þá sér í lagi þar sem þau virðast birtast í barnaefni sem spilað er hér á landi. Á dögunum birtist svo auglýsing á mbl.is með textanum „Ábyrgðaleysi í Efstaleiti“ en auglýsingin er birt af Samherja. Ef ýtt var á auglýsinguna opnaðist nýjasta auglýsing Samherja á YouTube.

Það myndband ber titilinn „Fundinn sekur um alvarlegt brot gegn siðareglum vegna skrifa um Samherja“ og vitnað er í úrskurð siðanefndar RÚV en það var Samherji sem kærði skrif Helga. Það vekur athygli að myndbandið er með aðeins 47 „like“ en 257 „dislike“. Það gera tæplega 5,5 „dislike“ á hvert „like“.

Guðmundur Pálsson, formaður SÍA (Samband íslenskra auglýsingastofa), segir að það sé lítið hægt að gera í þessum auglýsingum Samherja.

„Við hjá SÍA erum með siðanefnd og siðareglur sem eru á vefsíðu okkar. Það virkar þannig að ef einhver er ósáttur við einhverjar auglýsingar og finnst á þeim brotið, þá er hægt að koma með erindi til nefndarinnar,“ segir Guðmundur í samtali við DV.

Komist siðanefnd að þeirri niðurstöðu að auglýsing sé brot á siðanefndum er þó ekkert gert í málinu nema fyrirtækjum ráðlagt að fjarlægja þær.

Guðmundur segir það ekki vera algengt að fjölmiðill birti aðför gegn öðrum fjölmiðli sem auglýsingu og segist sjálfur ekki muna eftir öðru dæmi. Það verður því að teljast eftirtektarvert að mbl.is birti auglýsingu Samherja.

Margir hafa gagnrýnt þessa aðför Samherja á seinustu dögum, meðal annars Bubbi Morthens, en hann hefur staðið í opinberlegum deilum við Brynjar Níelsson, þingmann Sjálfstæðisflokksins, vegna málsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 4 dögum

Dómari tekur til máls

Dómari tekur til máls
Eyjan
Fyrir 4 dögum

Willum efstur í Suðvesturkjördæmi

Willum efstur í Suðvesturkjördæmi
Eyjan
Fyrir 6 dögum

Atli Þór Fanndal – Í stríði gegn spillingu – „Þegar ég heyrði fyrst af þessu hristi ég bara höfuðið“

Atli Þór Fanndal – Í stríði gegn spillingu – „Þegar ég heyrði fyrst af þessu hristi ég bara höfuðið“
Eyjan
Fyrir 1 viku

Vilhjálmur bar félag sitt saman við Eflingu og fleiri – Betri kjör í öllum liðum

Vilhjálmur bar félag sitt saman við Eflingu og fleiri – Betri kjör í öllum liðum
Eyjan
Fyrir 1 viku

Ísland hefur enn ekki viðurkennt þjóðarmorð Tyrkja á Armenum

Ísland hefur enn ekki viðurkennt þjóðarmorð Tyrkja á Armenum
Eyjan
Fyrir 1 viku

Arnar Þór sagði sig úr Dómarafélaginu – Ósáttur við siðareglur félagsins

Arnar Þór sagði sig úr Dómarafélaginu – Ósáttur við siðareglur félagsins