Fréttablaðið skýrir frá þessu í dag. Haft er eftir Bjarna að nýta þurfi helgina vel og dagana þar á eftir og þá trúi hann að stjórnarmynduninni fari að ljúka. Hann sagðist telja að hægt verði að mynda stjórn i næstu viku, viðræðum hafi miðað vel þrátt fyrir hlé í þessari viku vegna loftslagsráðstefnunnar og funda Norðurlandaráðs.
Formenn flokkanna hafa séð um stjórnarmyndunarviðræðurnar en aðspurður sagði Bjarni að aðstoðarfólk hafi verið með í verkefnum tengdum viðræðunum.
Hann sagði að reynsla sýni að hægt sé að ljúka fjárlagagerð með stuttum fyrirvara eftir myndun ríkisstjórnar og benti á að fyrir fjórum árum hafi ríkisstjórn verið mynduð 30. nóvember og fjárlagafrumvarpið hafi verið lagt fram 14. desember en Alþingi verður ekki sett nema fjármálaráðherra sé tilbúinn til að leggja fram fjárlagafrumvarp. „Við erum auðvitað með ákveðinn grunn í fjármálaáætlun sem fjárlög næsta árs byggja á,“ sagði Bjarni og bætti viðað fyrir liggi að stórum hluta áætlun um tekjur á grundvelli fyrirliggjandi laga og einnig liggi fyrir útgjaldaspá byggð á verðlagsþróun. „Auðvitað eru möguleikar nýrrar stjórnar til að setja mark sitt á þetta fjárlagafrumvarp takmarkaðir en það þýðir ekki að við ætlum ekki að gera það. Við munum auðvitað setja mark okkar á það og taka ábyrgð á því,“ sagði hann einnig.
