fbpx
Föstudagur 22.janúar 2021
Eyjan

Heilbrigðisráðuneytið neitar að upplýsa um kostnað við bóluefnakaup

Heimir Hannesson
Mánudaginn 4. janúar 2021 16:50

Svandís Svavarsdóttir Mynd/Ernir

Ekki missa af Helstu tíðindum dagsins í pósthólfið þitt

Lesa nánar

Heilbrigðisráðuneytið hefur svarað fyrirspurn DV um kostnað við kaup á bóluefni BioNTech og Pfizer. Í svarinu segir að ráðuneytinu sé óheimilt að upplýsa um kostnaðinn og segir það ekki lagalega skylt að upplýsa um hann samkvæmt upplýsingalögum.

DV lagði neðangreinda fyrirspurn fyrir heilbrigðisráðuneytið þann 29. desember.

  1. Hvað kostar skammturinn af Pfizer bóluefninu, „fob“ – þ.e.a.s. frá framleiðanda ekki kominn til Íslands.
  2. Hver sér um flutninginn, kaupandinn (íslenska ríkið), eða seljandinn?
  3. Hvað kostaði flutningur bóluefnisins með einkaþotu?
  4. Verða næstu skammtar sendir með einkaþotu frá meginlandi Evrópu eins og síðast?

Í svari heilbrigðisráðuneytisins segir að ráðuneytinu sé ekki heimilt að upplýsa um kostnaðinn „samkvæmt samningi.“ Vísar ráðuneytið þá til 9. gr. upplýsingalaga sem kveður á um takmarkanir á upplýsingarétti vegna einkahagsmuna. „Óheimilt er að veita almenningi aðgang að gögnum um einka- eða fjárhagsmálefni einstaklinga sem sanngjarnt er og eðlilegt að leynt fari, nema sá samþykki sem í hlut á. Sömu takmarkanir gilda um aðgang að gögnum er varða mikilvæga virka fjárhags- eða viðskiptahagsmuni fyrirtækja og annarra lögaðila,“ segir í greininni.

Hvað flutning á bóluefninu og kostnað við flutning þess með einkaþotu segir ráðuneytið að framleiðandi efnisins í Belgíu hafi annast og ábyrgst flutninginn til Íslands. „Þar með talin er ákvörðun um flutningsmátann,“ segir í svarinu.

Verðlagning bóluefnanna hefur verið haldið leyndu víða um heim og aðeins örfáar vísbendingar um verð þess læðst út. Þannig tísti ráðherra í ríkisstjórn Belga, Eva De Bleeker, óvart þeim upphæðum sem Evrópusambandið mun greiða fyrir bóluefnið sem það kaupir. Upplýsingarnar eru enn óstaðfestar, og eyddi De Bleeker tístinu eftir aðeins skamma stund. Samkvæmt tístinu er verðskráin svona, yfirfærð í íslenskar krónur samkvæmt gengi dagsins í dag.

Oxford University / AstraZeneca: $2.18 (278 kr.)
Janssen/Johnson & Johnson: $8.50 (1.085 kr.)
Sanofi/Glaxo Smith Klein: $9.27 (1.183 kr.)
Pfizer/BioNTech: $14.71 (1.878 kr.)
CureVac: $12.26 (1.567 kr.)
Moderna: $18.00 (2.299 kr.)

Í tilkynningu heilbrigðisráðuneytisins sem birt var á gamlársdag kom fram að Ísland hefði þá tryggt sér um 250.000 skammta af Pfizer bóluefninu, 128.000 skammta af Moderna efninu, 230.000 skammta af bóluefni AstraZeneca og 235.000 skammta frá Johnson & Johnson.

Samtals hefur ríkið því tryggt sér 843.000 af bóluefni við Covid-19.

Mikil óvissa ríkir nú um afhendingu þessara skammta, en bráðaleyfi hefur aðeins verið veitt fyrir notkun á Pfizer/BioNTech. Búist er við samskonar leyfi fyrir notkun á Moderna bóluefninu á næstu dögum. Leyfi fyrir AstraZeneca og Janssen lyfinu er ekki að vænta strax. Samkvæmt heilbrigðisráðuneytinu er gert ráð fyrir því að AstraZeneca byrji að afhenda lyfið á fyrsta ársfjórðungi og að Janssen/Johnson & Johnson muni ekki byrja að afhenda sitt fyrr en á þriðja ársfjórðungi.

Ef Ísland fær alla skammtana sem landinu hefur verið lofað má ætla að kostnaðurinn, miðað við verðskrána sem De Bleeker birti, gera ráð fyrir að kostnaðurinn verði rúmur milljarður. Þó má gera ráð fyrir því að verð til Íslands sé talsvert hærra og er þá litið til flutningskostnaðar, en fyrstu 10.000 skammtarnir sem Ísland fékk afhent voru afhentir, sem fyrr sagði, með einkaþotu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 3 dögum

Sigmundur segir það sem hann óttaðist vera staðfest – „Er Ísland búið að gera slíkar skuldbindingar?“

Sigmundur segir það sem hann óttaðist vera staðfest – „Er Ísland búið að gera slíkar skuldbindingar?“
Eyjan
Fyrir 3 dögum

Óttast að Samfylkingin fremji ódæðisverk – „Dæmd vanhæf og brottrekin með þeim rökum“

Óttast að Samfylkingin fremji ódæðisverk – „Dæmd vanhæf og brottrekin með þeim rökum“
Eyjan
Fyrir 1 viku

Ármann fer fögrum orðum um umdeildar áætlanir Kópavogs – Íbúar mótmæla áformunum

Ármann fer fögrum orðum um umdeildar áætlanir Kópavogs – Íbúar mótmæla áformunum
Eyjan
Fyrir 1 viku

Þorsteinn segir þetta vera mestu hættuna í kjölfar óeirðanna

Þorsteinn segir þetta vera mestu hættuna í kjölfar óeirðanna