„Ég hef haldið því fram frá því að ég fór fyrst að skipta mér af pólitík að það væri ekkert jákvætt að fólk væri of lengi“, segir Smári um ástæðuna fyrir því að hann ætli að hætta á þingi. „Og ef lýðræði er þetta konsept að allir eiga að vinna að því saman að láta samfélagið ganga þá virkar það ekkert sérstaklega vel ef að það eru alltaf þeir sömu sem sitja á valdastólum. Það er fínt að hafa nýliðun, samt ekki oft mikla en það hefur verið mikil nýliðun undanfarin ár“
Hin hliðin á þessari ákvörðun Smára er að lífið er ekki endalaust. „Ég hef fullt af hugmyndum og þekkingu og færni sem er ekkert að nýstast mjög vel inni á þingi,“ segir Smári og á þá við þekkingu hans í tölvutækni auk þess sem hann hefur mikinn áhuga á umhverfismálum og vill nýta það tvennt betur. „Ég hef bara verið rosalega þreyttur og pirraður á því hvað það er mikið talað um að reyna að bregðast við loftslagsbreytingum en ótrúlega lítið verið gert í því,“ segir Smári þegar hann er spurður hvort það gagnist honum ekki að sitja á þingi til að vinna í umhverfismálum. „Ég held að við gætum verið að gera svo miklu meira,“ segir hann.