Fréttablaðið skýrir frá þessu í dag. Sjálfstæðisflokkurinn bætir við sig fylgi, mælist nú með 23,1% en mældist með 22,4% í maí. Flokkurinn fékk 25,3% atkvæða í síðustu kosningum.
Samfylkingin mælist nú með 16,1% fylgi, mældist með 15% í maí og fékk 12,1% í síðustu kosningum.
Miðflokkurinn mælist með 8,9% fylgi, mældist með 8,6% í maí og fékk 10,9% í síðustu kosningum.
Fylgi Viðreisnar mælist 10% nú, var 9,8% í maí en flokkurinn fékk 6,7% atkvæða í síðustu kosningum.
Vinstri græn tapa smávegis fylgi á milli kannana, mælast nú með 11,5% fylgi en mældust með 11,8% í síðustu könnun. Flokkurinn fékk 16,9% fylgi í síðustu kosningum.
Fylgi Framsóknarflokksins mælist nú 1,2 prósentustigum minna en í síðustu könnun. Er nú 7,2% en var 8,4% í maí. Flokkurinn fékk 10,7% atkvæða í síðustu kosningum.
Sósíalistaflokkurinn og Flokkur fólksins mælast undir 5% fylgi sem er þröskuldurinn sem komast verður yfir til að fá jöfnunarþingmann. Fylgi Sósíalista mælist nú 3,8% en mældist 4,5% í síðustu kosningum. Fylgi Flokks fólksins mælist nú 4,4% eins og í maí en flokkurinn fékk 6,9% fylgi í síðustu kosningum.