fbpx
Sunnudagur 05.apríl 2020
Eyjan

Andstaða landsmanna við innöngu í Evrópusambandið fer minnkandi

Ritstjórn Eyjunnar
Miðvikudaginn 26. febrúar 2020 15:30

Ekki missa af Helstu tíðindum dagsins í pósthólfið þitt

Lesa nánar

Samkvæmt könnun Maskínu eru ríflega 30% 18 ára Íslendinga og eldri hlynnt inngöngu Íslands í ESB, en tæplega 40% andvíg. Þetta er svipuð niðurstaða og fyrir ári, en færri eru nú andvígir inngöngunni (39%) en fyrir sjö árum (51%).

Þeir sem eru 60 ára og eldri eru andvígari inngöngu í ESB en yngri, höfuðborgarbúar eru hlynntari en landsbyggðarbúar og stuðningur eykst með lengri skólagöngu og hærri tekjum.

Skýrar flokkslínur

Eins og búast má við er mikill munur á afstöðu fólks til inngöngu Íslands í ESB eftir stjórnmálaskoðun. Þannig er meirihluti kjósenda Samfylkingarinnar (76,7%) og Viðreisnar (66,7%) hlynntur inngöngu. Á hinn bóginn er meirihluti Miðflokksins (72,8%), Sjálfstæðisflokksins (70,3%), Framsóknarflokksins (68,1%) og Flokks fólksins (52,5%) andvígur inngöngunni.

Þá voru svarendur spurðir hvort þeir teldu að Ísland gæti náð hagstæðum samningi við ESB eða ekki. Hartnær þrír af hverjum fimm (58,8%) kváðu svo vera, en ríflega tveir af hverjum fimm (41,2%) töldu að ekki næðist hagstæður samningur.

Líkt og með afstöðuna til inngöngu í ESB telja höfuðborgarbúar fremur en landsbyggðarbúar að hagstæður samningur næðist og þeir sem hafa lengri skólagöngu og hærri tekjur eru bjartsýnni á slíkan samning en aðrir. Þá er mat á slíkum samningi mjög ólíkt eftir stjórnmálaskoðun, þar sem flestir kjósendur Samfylkingarinnar, Viðreisnar og Vinstri-grænna telja að hagstæður samningur ætti að nást, en flestir kjósendur Miðflokksins, Sjálfstæðisflokksins, Framsóknarflokksins og Flokks fólksins telja að ekki muni nást hagstæður samningur.

Svarendur könnunar voru 1600 talsins, koma úr Þjóðgátt Maskínu, sem er þjóðhópur fólks (e. panel) sem er dreginn með tilviljun úr Þjóðskrá og svarar á netinu. Svarendur eru 18 ára og eldri alls staðar að af landinu. Gögnin eru vigtuð með tilliti til kyns, aldurs og búsetu samkvæmt Þjóðskrá og endurspegla því þjóðina prýðilega. Könnunin fór fram dagana 30. janúar til 3. febrúar 2020.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Samdráttur í afkomu Isavia – „Gríðarmikil óvissa með framhaldið“

Samdráttur í afkomu Isavia – „Gríðarmikil óvissa með framhaldið“
Eyjan
Fyrir 2 dögum

Sjáðu hvað það kostar þig að fá greiðslufrest lána – Þetta eru úrræði lánastofnana og leigufélaga

Sjáðu hvað það kostar þig að fá greiðslufrest lána – Þetta eru úrræði lánastofnana og leigufélaga