fbpx
Föstudagur 22.janúar 2021
Eyjan

Bogi segir óraunhæft að reka tvö íslensk flugfélög með tengimiðstöð í Keflavík

Kristján Kristjánsson
Miðvikudaginn 30. desember 2020 07:50

Bogi Nils Bogason.

Ekki missa af Helstu tíðindum dagsins í pósthólfið þitt

Lesa nánar

Bogi Nils Bogason, forstjóri Icelandair, er í stóru viðtali við Markað Fréttablaðsins í dag en hann var valinn maður ársins í íslensku viðskiptalífi að mati dómnefndar Markaðarins. Niðurstaðan er byggð á því að Bogi hafi leitt Icelandair í gegnum vel heppnaða endurskipulagningu og hlutafjárútboð við mjög erfiðar aðstæður. Í viðtalinu segir Bogi að það sé óraunhæft að hans mati að reka tvö flugfélög hér á landi sem nota Keflavík sem tengimiðstöð.

„Það er mín skoðun að það sé engan veginn raunhæft að reka tvö flugfélög frá Íslandi sem eru með Keflavíkurflugvöll sem tengimiðstöð. Þetta hefur verið reynt tvisvar áður, fyrst með Iceland Express og síðar WOW air. Við sjáum þetta aðeins á stórum alþjóðlegum flugvöllum,“ er haft eftir Boga en nýtt lággjaldaflugfélag, Play, hefur sagst tilbúið til að hefja flugrekstur um leið og tækifæri gefst til. Langtímafjármögnun félagsins er í höfn.

Bogi sagðist ekki hræðast samkeppni en benti á mikilvægi heimamarkaðarins og að hann telji aðeins um 360.000 manns. „Þess vegna tel ég ekki raunhæft að reka héðan tvö flugfélög til lengri tíma sem starfrækja tengibanka,“ sagði hann.

Í viðtalinu kemur fram að hann telji mjög sérstakt að farið hafi verið af stað með hlutafjárútboð hjá Icelandair, sem sé líklegast stærsta og mikilvægasta félag landsins, í september án þess að vita nokkuð um afstöðu helstu hluthafanna nema hvað fyrir lá að PAR Capital ætlaði ekki að taka þátt. „Við vorum því í algjörri óvissu,“ sagði hann.

Hann sagðist telja að næsta sumar geti orðið ágætt ef núverandi sóttvarnareglum á landamærunum verður breytt en ef þær verði óbreyttar fram í maí eða júní sé sumarið líklegast ónýtt hvað varðar ferðamennsku.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 3 dögum

Sigmundur segir það sem hann óttaðist vera staðfest – „Er Ísland búið að gera slíkar skuldbindingar?“

Sigmundur segir það sem hann óttaðist vera staðfest – „Er Ísland búið að gera slíkar skuldbindingar?“
Eyjan
Fyrir 3 dögum

Óttast að Samfylkingin fremji ódæðisverk – „Dæmd vanhæf og brottrekin með þeim rökum“

Óttast að Samfylkingin fremji ódæðisverk – „Dæmd vanhæf og brottrekin með þeim rökum“
Eyjan
Fyrir 1 viku

Ármann fer fögrum orðum um umdeildar áætlanir Kópavogs – Íbúar mótmæla áformunum

Ármann fer fögrum orðum um umdeildar áætlanir Kópavogs – Íbúar mótmæla áformunum
Eyjan
Fyrir 1 viku

Þorsteinn segir þetta vera mestu hættuna í kjölfar óeirðanna

Þorsteinn segir þetta vera mestu hættuna í kjölfar óeirðanna