fbpx
Laugardagur 31.október 2020
Eyjan

Hart tekist á í Silfrinu – „Sigurður minn, nú er ég að tala“

Máni Snær Þorláksson
Sunnudaginn 4. október 2020 12:15

Myndin er samsett - Skjáskot úr þættinum

Ekki missa af Helstu tíðindum dagsins í pósthólfið þitt

Lesa nánar

Sigurður Ingi Jóhannson samgöngu- og sveitarstjórnarráðherra og Þorgerður Katrín Gunnarsdóttir, formaður Viðreisnar, tókust á í Silfri Egils á RÚV í dag.

Í vikunni hélt Katrín Jakobsdóttir forsætisráðherra stefnuræðu sína fyrir þingveturinn og voru miklar umræður á þinginu í kjölfar þess. Var það aðalumræðuefni þáttarins í dag. Meðal annars fór umræðan inn á mál ungs fólks hér á landi.

„Við höfum miklar áhyggjur af ungu fólki,“ sagði Þorgerður.“ „Þetta eru fínar aðgerðir en það er samt þannig að ungt fólk í dag, í háskóla, það hefur stuðst meðal annars við það að vinna með skóla. Það er ekki að fá vinnu, lánasjóðskerfi styðst við það -“ sagði hún þegar Sigurður Ingi skýtur inn í umræðuna. „Nýtt lánasjóðskerfi, sem er náttúrulega frábært,“ sagði Sigurður og glotti.

„Sigurður minn, nú er ég að tala minn kæri,“ sagði Þorgerður þá og hélt áfram. „Nýtt lánasjóðskerfi byggir á því meðal annars að þau vinni með námi og það er ekki verið að hjálpa ungu fólki í dag.“

„Ég talaði um það Bjarni“

Þá voru þeir Logi Einarsson, formaður og þingmaður Samfylkingarinnar, og Bjarni Benidiktsson, fjármálaráðherra og formaður Sjálfstæðisflokksins, einnig viðmælendur í þættinum. Þeir Logi og Bjarni voru sammála um það sem þarf að gera þegar kemur að bættri velferð hér á landi en vildu þó fara sitthvora leiðina í áttina að sömu niðurstöðunni. Á meðan Logi vill fjölga opinberum störfum og bæta atvinnuleysisbætur vill Bjarni koma fyrirtækjunum á skrið svo hægt sé að fjölga störfum fyrir fólkið í landinu.

„Ykkur dettur ekkert annað í hug í Samfylkingunni en að fjölga opinberum störfum. Það sem við verðum að átta okkur á er að við höfum ekki efni á opinberu þjónustunni ef að við endurheimtum ekki störfin í einkageiranum. Lausnin getur aldrei verið sú að auka á byrði ríkisins með fleiri opinberum starfsmönnum eitt og sér,“ sagði Bjarni.

„Ég talaði um það Bjarni að þetta væri jafnvægi milli þess að skapa störf í einkageiranum og ráðast gegn undirmönnun almannaþjónustunnar,“ sagði Logi þá.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 4 dögum

Þráinn Bertels sér tækifæri í stóra fánamálinu – Vill að fleiri beri samskonar merki og lögreglukonan

Þráinn Bertels sér tækifæri í stóra fánamálinu – Vill að fleiri beri samskonar merki og lögreglukonan
Eyjan
Fyrir 4 dögum

Fréttaskýring: Yfirgnæfandi líkur á sigri Bidens en Trump ekki af baki dottinn

Fréttaskýring: Yfirgnæfandi líkur á sigri Bidens en Trump ekki af baki dottinn
Eyjan
Fyrir 1 viku

Leggur til að Píratar og Samfylkingin sameinist – „Píratahreyfingin erlendis er næstum dauð“

Leggur til að Píratar og Samfylkingin sameinist – „Píratahreyfingin erlendis er næstum dauð“
Eyjan
Fyrir 1 viku

Iðnaður gæti orðið helsti drifkraftur viðspyrnu eftir heimsfaraldurinn

Iðnaður gæti orðið helsti drifkraftur viðspyrnu eftir heimsfaraldurinn