fbpx
Þriðjudagur 22.september 2020
Eyjan

And-Öskubuska

Egill Helgason
Sunnudaginn 12. janúar 2020 20:00

Ekki missa af Helstu tíðindum dagsins í pósthólfið þitt

Lesa nánar

Sagan af Meghan Markle er eins konar öfug Öskubuskusaga. Hún er and-Öskubuska. Kona af lágum stigum sem kemur til að búa í höll og uppgötvar fljótt að það er óþolandi, neyðist til að flýja hræsnarana og leiðindapakkið.

Maður getur séð fyrir sér Meghan og prinsinn Harry þar seam þau hafa verið likt og umsetin í höllum konungdæmisins. Um þau situr eitthvert verst innrætta og meinfýsnasta afl í víðri veröld – breska slúðurpressan. Hún hatar prinsessuna vegna þess að hún er klár, sjálfstæð og auðvitað mest af því hún er ekki af réttum kynþætti.

Og henni er ekki fyrirgefið að hafa alist upp „röngu megin við teinana“, eins og eitt blaðið orðaði það, án ríkidæmis og forréttinda. Semsagt Öskubuska. Og fréttaflutningurinn hefur meðal gengið út á að hafa upp á ættmennum Megan sem eru til í að leggja til hennar illt orð.

Maður hlýtur að fagna flótta þessa unga fóks. Harry er sá sjötti að ríkiserfðum þannig að líkurnar á að hann verði kóngur eru sáralitlar. Þannig ætti hann eftir að daga uppi eins og mubla í höllinni, minna á sína gráu frændur, Andrew og Edward, sem báðir eru orðlagðir fyrir að vera leiðinlegir – sá fyrri er reyndar flæktur í andstyggilegt kynlífshneyksli. Það hefur valdið drottningunni, hallarráðgjöfunum og illu pressunni minni áhyggjum en brotthlaup Meghan og Harrys til Kanada.

En svo undirstrikar þetta náttúrlega allt fáránleika þessa fyrirkomulags – að breskir skattborgarar skuli rogast með stóra ætt hátigna á ofurlaunum og að stjórnarfar í landi skuli eiga eitthvað undir erfðum. Fáránleiki þess sést einna best þegar drottningin þarf að þylja upp tuggur, hálfsannleik og lygar stjórnmálamanna í ræðum sínum.

Stundum finnst manni reyndar eins og eini tilgangur þessa fólks sé að vera í slúðurpressunni. Það þrífst á umfjöllun hennar, og pressan fær ótæmandi efni til að fjalla um. Ekkert er svo smátt að það sé ekki tínt til. En stundum er algjörlega farið yfir strikið, eins og í dæmi Díönu prinsessu og svo Meghan Markle þar sem umfjöllunin snýst upp í hreinar ofsóknir. Hún fékk ekki einu sinni að borða avocado í friði án þess að hún fengi yfir sig demburnar vegna þess.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 4 dögum

Sólveig svarar fullum hálsi – „Hörður virðist, eins og því miður allt of margir, ekki alveg nógu klókur“

Sólveig svarar fullum hálsi – „Hörður virðist, eins og því miður allt of margir, ekki alveg nógu klókur“
Eyjan
Fyrir 4 dögum

Opið bréf með áskorun til ráðherra – Verið að draga úr stuðningi við nýsköpun á landinu öllu

Opið bréf með áskorun til ráðherra – Verið að draga úr stuðningi við nýsköpun á landinu öllu
Eyjan
Fyrir 5 dögum

Efling sakar ASÍ um að taka þátt í „tækifærissinnaðri sérhagsmunagæslu“ Icelandair

Efling sakar ASÍ um að taka þátt í „tækifærissinnaðri sérhagsmunagæslu“ Icelandair
Eyjan
Fyrir 5 dögum

Katrín bregst við gagnrýninni – „Það eru 368 einstaklingar, fjölskyldur og börn sem hafa hlotið vernd hér á þessu ári“

Katrín bregst við gagnrýninni – „Það eru 368 einstaklingar, fjölskyldur og börn sem hafa hlotið vernd hér á þessu ári“
Eyjan
Fyrir 6 dögum

Bæjarfulltrúi segir fulla ástæðu til að rasskella aðra fulltrúa – „Svona hefur þetta verið um langt árabil“

Bæjarfulltrúi segir fulla ástæðu til að rasskella aðra fulltrúa – „Svona hefur þetta verið um langt árabil“
Eyjan
Fyrir 6 dögum

Gefur lítið fyrir auglýsingaherferð – „Jafn neyðarlegt að horfa á þau og afhendingu Grímuverðlauna“

Gefur lítið fyrir auglýsingaherferð – „Jafn neyðarlegt að horfa á þau og afhendingu Grímuverðlauna“