Þetta er jólatréssería sem hefur fylgt fjölskyldunni mjög lengi. Hún hefur reyndar – og sem betur fer – verið löguð með tilliti til brunavarna og öryggis, en útlitið er enn hið sama og áður. Það hefur, að minnsta kosti hingað til, verið hægt að fá aukaperur í hana. Hún er í grænum kassa með dálítið fallegri jólalegri áferð.
Serían er nokkuð komin til ára sinna og kannski ætti hún helst heima á safni. Hún er keypt á fjórða áratug aldarinnar, líklega í Danmörku, það má sjá kaupverðið á kassanum, 25 danskar krónur.
Við sjáum að tegundin er Osram, það er þýskt fyrirtæki sem var stofnað 1919. Á kassanum er mynd af ljóshærðum stúlkum. Ég tel nær öruggt að serían sé framleidd í Þriðja ríkinu – sennilega á fyrstu árum þess. Hún er varla yngri en 85 ára eða svo.
