Hjálmar Jónsson, formaður Blaðamannafélags Íslands segir að ásakanir Þorsteins Más Baldvinssonar, forstjóra Samherja, í garð RÚV, séu fráleitar. Þorsteinn Már sagði í Bítinu á Bylgjunni í morgun að RÚV hefði verið gerandi í húsleit Seðlabankans hjá Samherja árið 2012 og að RÚV, sem mætt var á staðinn áður en húsleitarmenn mættu á svæðið, hefði reynt að „búa til glæp“ í samstarfi við Seðlabankann.

Sjá nánar: Þorsteinn Már sakar RÚV um að „búa til“ glæp –„ Ein ruddalegasta húsleit sem hefur verið framkvæmd á Íslandi“

„Að mínu mati er þetta algerlega fráleitt, blaðamenn eru að vinna vinnuna sína út frá þeim heimildum sem þeir höfðu og stórir og fjársterkir aðilar verða að sætta sig við það,“

segir Hjálmar við RÚV og ber við skilningsleysi Þorsteins á fjölmiðlum, þær hafi enga merkingu að öðru leyti:

„Þetta er ekki í fyrsta skipti sem við sjáum þetta. Sama hvaða fréttastofa á í hlut, blaðamenn vinna sína vinnu og þess vegna erum við með til að mynda með heimildavernd,“

segir Hjálmar við RÚV og vísar til gagnrýni stjórnenda bankanna vegna fjölmiðlaumfjöllunar í aðdraganda hrunsins og eftir hrun, sem hafi verið á svipuðum nótum