fbpx
Föstudagur 18.október 2019  |
Eyjan

Björn Leví ósáttur við Sigríði – „Já, mér finnst orðið skítur viðeigandi við þetta tilefni“

Ágúst Borgþór Sverrisson
Föstudaginn 9. ágúst 2019 12:00

Ekki missa af Helstu tíðindum dagsins í pósthólfið þitt

Lesa nánar

Björn Leví Gunnarsson, þingmaður Pírata, fer hörðum orðum um Sigríði Á. Andersen, fyrrverandi dómsmálaráðherra, í nýrri stöðufærslu á Facebook. Umfjöllunarefnið er Landsdómsmálið, en Mannréttindadómstóll Evrópu komst að þeirri niðurstöðu að Landsréttur hefði brotið mannréttindi á sakborningi vegna skipunar dómara í réttinn. Vegna þessarar niðurstöðu varð Sigríður Á. Andersen að stíga til hliðar sem dómsmálaráðherra og Þórdís Kolbrún Reykfjörð Gylfadóttir tók við embættinu tímabundið.

Undanfarið hefur Helga Vala Helgadóttir, þingmaður Samfylkingarinnr og formaður stjórnskipunar- og eftirlitsnefndar Alþingis, beint spurningum til Þórdísar um málið, nánar tiltekið um kostnað af sérfræðiráðgjöf til ráðuneytisins í aðdraganda dómaraskipunar við Landsrétt. Helgu Völu þótti Þórdís vera sein til svars og eftir að svör bárust voru þau ekki birt á vef Alþingis. Helga Vala sagðist þá velta því fyrir sér hvort Þórdís vildi ekki „taka á sig skítinn“ heldur biði eftir því að annar tæki við, en skipan Þórdísar í embætti dómsmálaráðherra er tímabundin.

Þetta varð til þess að  Sigríður Á. steig fram og ritaði eftirfarandi harðorðan pistil um málið þar sem hún segir Helgu Völu og Samfylkinguna taka afstöðu gegn Íslandi:

Háttvirtur formaður stjórnskipunar- og eftirlitsnefndar Alþingis notar orðið „skítur“ um það að íslenska ríkið taki til varna þegar að hagsmunum Íslands og íslenskrar stjórnskipunar er sótt í gegnum erlendar stofnanir. Það kemur svo sem ekki á óvart að Samfylkingin taki afstöðu gegn Íslandi eins og hún gerði í Icesave málinu og með umsókninni og aðlöguninni að Evrópusambandinu á sínum tíma. En þetta orðbragð lýsir alveg nýjum metnaði gegn hagsmunum Ísland.

Ráðherra, Alþingi og forseti Íslands, hann umfram alla skyldu og auðvitað án ábyrgðar, komust að sömu niðurstöðu um skipun 15 dómara við Landsrétt. Hæstiréttur komst svo að þeirri niðurstöðu að við dómurunum 15 yrði ekki hróflað og að sakborningar nytu réttlátrar málsmeðferðar fyrir dóminum. Allar greinar ríkisvaldsins voru samstíga um niðurstöðuna. Aldrei áður hafa dómarar verið skipaðir með svo þéttum stuðningi allra greina ríkisvaldsins. Landsréttur starfaði svo með miklum ágætum á annað ár.

Þá gerir ein af pólitískt skipuðum stofnunum Evrópuráðsins, MDE, því skóna í málaferlum manns, sem játaði að hafa ekið bifreið undir áhrifum fíkniefna og án ökuréttinda, að dómur Landsréttar yfir manninum hefði verið mannréttindabrot!

Önnur ástæðan fyrir þessari niðurstöðu MDE var sú ákvörðun Alþingis, þvert á það sem ég lagði til við þingið, að greiða atkvæði í einu lagi um allar 15 tillögurnar um dómarana eins og þingsköp gera auðvitað ráð fyrir að sé mögulegt þegar enginn hreyfir andmælum. Þeir sem stóðu að þessu „mannréttindabroti“ á sakborningi að mati MDE voru meðal annarra þingmenn Samfylkingarinnar.

„Þvílík og önnur eins skítarök“

Björn Leví, þingmaður Pírata, bregst hart við þessum pistli Sigríðar og sakar hana um að hafa fótum troðið upplýsingaskyldu sína gegn Alþingi í málinu. Pistill Gunnars Leví er eftirfarandi:

Þvílík og önnur eins skítarök hef ég sjaldan heyrt áður. Já, mér finnst orðið skítur viðeigandi við þetta tilefni.

Það er ekki Ísland sem er í vörn út af Landsréttarmálinu, það er vörn fyrir fyrrverandi dómsmálaráðherra sem fótum tróð upplýsingaskyldu sína gagnvart Alþingi þegar gögn um ráðleggingar sérfræðinga ráðuneytisins voru hunsuð og þeim var ekki deilt með þinginu og sagt að engin andmæli væru við þeim málatilbúnaði sem fyrrverandi dómsmálaráðherra fór fram með. Sigríður Á. Andersen er ekki Ísland, hún tók þessa ákvörðun út frá sinni persónulegu þekkingu og hefur því ekkert með að draga einhverja þjóðernishyggju inn í þetta mál. Það er ömurleg sjálfsvörn að spila málið upp þannig.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 22 klukkutímum

Embætti ríkislögreglustjóra gæti verið sameinað öðru og Haraldur látið af störfum

Embætti ríkislögreglustjóra gæti verið sameinað öðru og Haraldur látið af störfum
Eyjan
Í gær

Styrmir áhyggjufullur fyrir hönd Sjálfstæðisflokksins

Styrmir áhyggjufullur fyrir hönd Sjálfstæðisflokksins
Eyjan
Í gær

Fyrrverandi ríkisskattstjóri tætir í sig „órökstutt“ frumvarp Bjarna Ben – Segir það stuðla að misskiptingu og ójafnræði

Fyrrverandi ríkisskattstjóri tætir í sig „órökstutt“ frumvarp Bjarna Ben – Segir það stuðla að misskiptingu og ójafnræði
Eyjan
Í gær

Vill að Reykjavíkurborg reki nytjamarkað – „Að það skuli finnast fátækt í svo gjöfulli borg er slakri stjórnun að kenna“

Vill að Reykjavíkurborg reki nytjamarkað – „Að það skuli finnast fátækt í svo gjöfulli borg er slakri stjórnun að kenna“
Eyjan
Í gær

Gunnar um „hótun“ Sigurðar –„Farið þið bara, það er ekki eins og þið gerið gagn með því að blóðmjólka almenning“

Gunnar um „hótun“ Sigurðar –„Farið þið bara, það er ekki eins og þið gerið gagn með því að blóðmjólka almenning“
Eyjan
Í gær

Ólöf spyr hvað hafi orðið um fjármunina – „Viðbrögð borgarstjórans bera vott um valdhroka – Hver er gráðugur?“

Ólöf spyr hvað hafi orðið um fjármunina – „Viðbrögð borgarstjórans bera vott um valdhroka – Hver er gráðugur?“
Eyjan
Fyrir 2 dögum

Ólafur mikið fjarverandi vegna veikinda: Kallaði ekki inn varaþingmann, sem kemur úr öðrum flokki

Ólafur mikið fjarverandi vegna veikinda: Kallaði ekki inn varaþingmann, sem kemur úr öðrum flokki
Eyjan
Fyrir 2 dögum

Veikleikar ESB birtast í Katalóníu og árás Tyrkja á Kúrda

Veikleikar ESB birtast í Katalóníu og árás Tyrkja á Kúrda