Það er spurning með pálmatrén í glerhólkunum inni í Vogum. Einhver sagði að þetta væri furðulega taktlaust í ljósi undangenginna atburða í borgarstjórn, annar benti á að erfitt yrði að halda glerhólkunum hreinum í saltrokinu og rykinu sem er eilíflega hér í Reykjavíkurborg. Og einhvern veginn óttast maður að trén muni skjúskast og loks missa allan þokka inni í hólkunum. Þarf sjálfsagt talsvert viðhald til þess að þetta verði í lagi.
En svo eru á þessu skemmtilegir fletir. Það er ekkert nýtt undir sólinni eins og sagt er. Hér er ljósmynd af bragga í Reykjavík og fyrir framan hann eru pálmatré. Þetta er eiginlega á sama stað og bragginn sem mest hefur verið deilt um í borginni undanfarna mánuði.
Myndin er tekin í stríðinu í Nauthólsvík. Þetta var í herskálahverfi sem nefndist Camp Kwitcherbelliakin (Quit-Your-Belly-Aching). Það þýðir eiginlega „hættu þessu nöldri“.
Ljósmyndin er af síðu með alls kyns merkilegum fróðleik um hernámið. Henni er haldið úti af Tryggva Blumenstein sem gaf mér leyfi til að nota myndina.
Svo er hér til samanburðar verkið sem á að standa inni í Vogum.