“Blackout” eða minnisleysi vegna áfengisdrykkju er vegna alvarlegrar starfssemistruflunar í minnisstöðvum heilans. Ef slíkt ástand hefur varað í einn eða fleiri sólarhringa er það alvarlegt merki um tímabundna heilabilun. Ástæður eru yfirleitt mjög mikil áfengisneysla eða langvinnt áfengisvandamál. Einstaklingur með slík einkenni er ekki vinnufær. Ef hann gegndi ábyrgðarstarfi, sem t.d. flugstjóri, væri hann sendur í langt veikindaleyfi og kæmi ekki til vinnu fyrr en eftir ítarlegar rannsóknir og áfengismeðferð.“

Þetta ritar Dr. Ólafur Þór Ævarsson, geðlæknir hjá Forvörnum ehf. á Facebooksíðu  þess seint í nótt.

Gunnar Bragi Sveinsson, þingmaður Miðflokksins, lýsti drykkju sinni á Klaustri bar í þættinum 21 á Hringbraut og viðurkenndi að muna ekki neitt frá því hann kom á barinn, þar til einum og hálfum sólarhring síðar.

„Ég ekki veit hvað ég gerði, ég þurfti að hlusta á upptökurnar. Ég týndi fötunum mínum þessa nótt. Það er algjört „blakkát,“ algjört minnisleysi,“

sagði Gunnar Bragi um kvöldið örlagaríka.

Samkvæmt vefsíðu Alþingis mætti Gunnar Bragi ekki til vinnu daginn eftir Klaustursdrykkjuna. Hann tók ekki þátt í atkvæðagreiðslum né nefndarfundum, fyrr en eftir hádegi þann 22. nóvember.

DV talaði við Þórarinn Tyrfingsson, fyrrverandi formann SÁÁ og yfirlækni á Vogi, þar sem hann staðfesti að slíkt óminni eftir áfengisdrykkju væri vel mögulegt, almennt séð.

Sjá nánar: Getur verið að Gunnar Bragi muni ekki eftir neinu? Þetta segir Þórarinn Tyrfingsson

Sjá einnig: Gunnar Bragi fór í „blakkát“ á Klaustri – Þekkti ekki sjálfan sig og týndi fötunum