Hefur veður áhrif á úrslit kosninga? Það er ekki óeðlilegt að spyrja. Hér má sjá veðurspána fyrir kjördag, 26. maí, í Reykjavík.

Í símanum mínum les ég á norska veðurvefnum yr.no að rigningin yfir sólarhringinn verði 37 mm. Það er aðeins minna hjá hjá veðurstofunni íslensku, 25 mm.

Mjög blautt semsagt.

Maður skyldi ætla að svona veður hafi áhrif á kjörsóknina. Annað sem gæti reyndar haft áhrif er að fjölmargir skólar eru að útskrifa nemendur núna á laugardaginn.

Einhvern tíma var sagt að ríkjandi stjórnvöld nytu þess þegar veður er gott en óánægjuöflin þegar veður er slæmt. Að minnsta kosti hefur veðrið verið þannig í vikunni að maður finnur fyrir einhverjum þyngslum í samfélaginu. Manni skilst líka að fólkið flykkist til að kaupa sér sólarlandaferðir – komast burt.