Gunnar Smári Egilsson stofnandi Sósíalistaflokks Íslands gefur lítið fyrir bón Oddnýjar Harðardóttur þingmanns Samfylkingarinnar um að bíða með að stofna Sósíalistaflokkinn. Segir Gunnar Smári að Samfylkingin hafi orðið völd að stórkostlegum skaða og sé mesta eyðingarafl vinstursins.

Oddný biðlaði til Gunnars Smára, Ragnars Önundarsonar og Mikaels Torfasonar í hádeginu í dag um að bíða með stofnun Sósíalistaflokks Íslands og reyna þess í stað að styrkja Samfylkinguna. Innlegg Oddnýjar fékk vægast sagt dræm viðbrögð í Fésbókarhóp Sósíalista, var meðal annars stungið upp á að Samfylkingin gengi frekar til liðs við Sósíalistaflokkinn en öfugt. Segir Einar Steingrímsson prófessor í stærðfræði að hugmyndafræði flokkanna sé ólík:

Samfylkingin hefur sannað rækilega síðustu 10-15 árin að hún er ekki flokkur alþýðufólks. Hún hefur enga tilraun gert til að brjóta niður það gerspillta valdakerfi sem íslenska auðvaldið notar til að tryggja kúgun sína og arðrán. Hún hefur bara haft áhuga á að komast til valda innan kerfisins. Þið hafið ekki einu sinni gert (í neinni alvöru) upp við þátt ykkar í hruninu, hvað þá annað.

Oddný segir svo í athugasemd:

Kannski á yfirveguð umræða ekki upp á pallborðið í þessu samhengi. Ég reyni samt.

Marsérað á Versali á föstudag eða laugardag

Gunnar Smári segir svo í samtali við Vísi að ekkert hafi dregið jafn mikið úr mætti vinstrimanna á Íslandi og tal um sameiningu:

Samfylkingin er mesta eyðingarafl vinstursins og varð völd að stórkostlegum skaða. Fólk á ekki að tala sameiningu fram yfir baráttuna, moðið í staðinn fyrir stefnuna og undanhaldið í staðinn fyrir sóknina. Auðvitað má fólk gera það, það fer þá bara í Samfylkinguna. En Sósíalistaflokkurinn verður fyrir hitt fólkið.

Segir Gunnar Smári að byltingin hafi hafist á miðnætti þegar flokkurinn opnaði heimasíðu sína: