Hagnaður aflandskrónueigenda og tap Seðlabanka Íslands á samningum þeirra sem tilkynnt var um í dag hljóðar upp á 400 milljóna evra eða 45 milljarða króna. Fyrir 9 mánuðum afþökkuðu vogunarsjóðirnir tilboð upp á 190 krónur á evru eða 1 milljarða evra, í samningunum þá þeir hins vegar krónuna á 137,5 krónur sem þýðir að vogunarsjóðirnir fá 1,4 milljarða evra fyrir eign sína. Marínó G. Njálsson ráðgjafi segir óskiljanlegt að Már Guðmundsson Seðlabankastjóri geti varið þessa niðurstöðu:
Aflandskrónueigendur kengbeygðu Seðlabanka Íslands.
Hann er búinn vera nokkuð belgingslegur í yfirlýsingum sínum undanfarin ár og nú þarf hann að éta öll þau orð ofan í sig. Hann lætur samt líta út sem þetta hafi allt verið skipulagt, en þeir sem fylgst hafa með orðum hans sérstaklega vita að hann hefur verið kengbeygður,
segir Marínó. Gunnar Smári Egilsson ritstjóri Fréttatímans tekur í sama streng, segir hann á Fésbók að fólk skuli muna eftir þessum 45 milljörðum króna:
Næst þegar stjórnvöld segja að ekki séu til peningar til neins sem er til hagsbóta fyrir allan meginþorra fólks, skulið þið muna eftir þessum 45 milljörðum króna sem Seðlabankinn fann svo hann gæti losað höft á þeim einstaklingum sem vilja flytja út meira en 100 milljónir króna á ári.
