Logi Már Einarsson formaður Samfylkingarinnar segir að hann hafi heyrt það útundan sér að hann eigi að færa sig um set og bjóða sig fram í öðru Reykjavíkurkjördæmanna í stað Norðausturkjördæmis, en að enginn innan flokksins hafi komið að máli við sig um það.

Vefur Hringbrautar segist hafa öruggar heimildir fyrir því að Samfylkingarfólk í Reykjavík þrýsti á Loga um að bjóða sig fram í oddvitasæti í Reykjavík til að styrkja stöðu Loga fyrir komandi kosningar. Eyjan bar þetta undir Loga:

Ég kannast ekki við þetta, ég er ekki að skipta mér af vinnu uppstillinganefnda og hef ekki heyrt um þetta,

segir Logi. Logi segir að hann hafi heyrt að ýmislegt hafi verið rætt en það hafi verið komið að máli við sig um að færa sig um kjördæmi. Samfylkingin náði ekki inn manni á suðvesturhorni landsins í síðustu kosningum, heldur aðeins í Norðausturkjördæmi, Suðurkjördæmi og Norðvesturkjördæmi. Miðað við skoðanakannanir hefur staða flokksins hins vegar vænkast nokkuð að undanförnu og á því góðan möguleika á að bæta við sig þingmönnum í kosningunum 28. október næstkomandi. Logi segir ljóst að flokkurinn þurfi að bæta við sig fylgi:

Mér lýst ágætlega á kosningarnar en það er ljóst að við þurfum að bæta við okkur.