Umhugsunarvert fyrir þá sem vilja taka upp Kanadadollar.

Nú geisar umræða í Kanada um að dollarinn sé orðinn alltof sterkur. Sá sem hefur kveðið fastast að orði um þetta er Tom Mulcair, formaður NDP, sem er stærsti flokkurinn í stjórnarandstöðunni.

Mulcair segir að olíuiðnaðurinn í vesturhluta Kanada keyri upp gengi dollarans – og að það hafi afar slæm áhrif á aðrar framleiðslugreinar, sem margar eru staðsettar austar í landinu.

Viðbrögðin hafa verið nokkuð dæmigerð – sjórnarliðar og frammámenn í olíuiðnaðinum saka Mulcair um að tala niður hagkerfið. En margir hafa tekið undir þá skoðun Mulcairs að olíubólan og hið háa gengi dollarans geti skaðað aðra hluta hagkerfisins.

Og hvernig væri þá með Ísland ef það færi að taka upp Kanadadollar?

Ef Íslendingar tækju upp Kanadadollar fengju þeir kannski seðil með mynd af Englandsdrottningu.