Þór Saari segir að Íslendingar komist ekki á kaffihús fyrir útlendingum.

(Hann segir reyndar líka að Íslendingar geti ekki lengur farið á Þingvelli, Gullfoss og Geysi vegna útlendinga sem trufli þá.)

Ég hef pínulitla innsýn í rekstur veitingahúsa í Miðbænum. Þegar við kynntumst rak konan mín kaffihús/veitingahús í Lækjargötu.

Þar var staðan einfaldlega svona:

Staðurinn skilaði hagnaði á sumrin þegar ferðamenn voru í landinu. Á veturna var reksturinn í járnum, eða það var jafnvel tap.

Ferðamannatíminn bætti það upp.

Án ferðamannanna væru einfaldlega ekki mörg kaffihús eða veitingahús í bænum.