Stærstu skuldarar íslensku bankanna eru skrautlegur félagsskapur ógæfu- og ólánsmanna. Að miklu leyti eru þetta reyndar eigendur bankanna sjálfir, en svo líka menn eins og Robert Tschenguiz og svo þessi –

Alisher Usmanov.

Rússneskur auðkýfingur og gangster – ef marka má það sem Wikipedia segir um hann.

Í skýrslu rannsóknarnefndar kemur fram að hann sé í sautjánda sæti yfir stærstu skuldara bankanna í september 2008. Það virðist vera að hann hafi fengið stóra lánafyrirgreiðslu það ár, þá skuldaði hann íslenskum bönkum 237 milljónir evra.

Ekki kemur í ljós í skýrslunni hvaða banka er um að ræða.

Þess má geta að Usmanov hefur verið að kaupa hluti í enska knattspyrnufélaginu Arsenal, og hafa aðdáendur félagsins mótmælt því á ýmsan hátt. Þeim líst illa á þennan mann – eins og fleirum.