Man einhver þessa hljómsveit – War? Upprunalega var hún kennd við fyrrverandi söngvara Animals, kölluð Eric Burdon’s War, svo hætti hann – og hljómsveitin sló rækilega í gegn með soultónlist sinni sem var blandin fönki og rómönskum áhrifum.
Einn hvítur maður var í hljómsveitinni, munnhörpuleikarinn Lee Oskar sem blæs svo fagurlega í upphafi lagsins hér fyrir neðan.
Það liggur kannski ekki í augum uppi en Lee Oskar er danskur og heitir upprunalega Oskar Levetin Hanson.
Hann flutti til Bandaríkjanna átján ára og gat sér fljótt orð fyrir að vera einn besti munnhörpuleikari í heimi. Síðar fór hann að framleiða munnhörpur sem eru seldar undir nafni hans.
War varð frægust fyrir hljómplötuna The World is a Ghetto, en þar var að finna samnefndan smell og einnig lagið Cisco Kid. Hér er lag af plötu sem kom aðeins fyrr, en það nefnist All Day Music.
Sérstök athygli skal vakin á frábærum danstilþrifum áhorfenda.
[youtube=http://www.youtube.com/watch?v=hej8x3vc5Xc&feature=related]
