Jan Gerritsen, hollenski blaðamaðurinn er góður vinur minn, hann hefur verið búsettur hérna lengi og á íslenska konu. Jan hefur flutt fréttir af hruninu í NRC Handelsblad í Hollandi.

Hér leggur hann til að íslenskir ráðamenn fari til Hollands og útskýri Icesave málið.

Sjálfur ræddi ég þetta við hann í dag. Hann talaði um að ef ráðherra á borð við Gylfa Magnússon færi til dæmis til Den Haag, héldi blaðamannafund og væri með góðar og skýrar upplýsingar sem væri hægt að afhenda pressunni, þá myndi það vekja mikla athygli.

Það væri góður tími núna, þegar málið hefur verið til umræðu á nýjan leik og þegar vart er ákveðinnar viðhhorfsbreytingar í fjölmiðlum erlendis.