Hér á Íslandi hefur lengi ríkt einhvers konar jeppablæti.

Jeppa-fetish.

Enginn þótti maður með mönnum á tíma útrásarinnar nema hann keyrði á jeppa, helst nýjasta módeli, svörtu.

Nú hafa tímarnir breyst. Tími Jóhönnu er kominn og það þykir ófínt að keyra á jeppa.

Bendir til að menn hafi farið offari í einkaneyslunni. Kunni sér ekki hóf, hafi spennt bogann of hátt.

Eigi sennilega ekki fyrir skuldum.

Þess vegna skyldu menn ekki gera lítið úr ráðherrum sem labba í vinnuna.

Má nefna að eins merkasta stjórnmálamanns síðustu aldar, Pers Albin Hanson, er enn minnst vegna þess að hann ferðaðist í sporvagni.